Sandeep Joshi : संदीप जोशी यांची थेट विधान परिषदेत 'झेप'

Nagpur News : राज्यातील विधान परिषदेच्या पाच रिक्त जागांसाठी पोटनिवडणूक जाहीर झाली आहे. भाजपने आपल्या तीन उमेदवारांची नावे जाहीर केली आहेत. पण अद्याप उपमुख्यमंत्री एकनाथ शिंदे यांची शिवसेना आणि उपमुख्यमंत्री अजित पवार यांच्या राष्ट्रवादीने उमेदवार जाहीर केलेला नाही. मात्र भाजपने सरसी करत आपली तीन चेहरे दिले आहेत. ज्यात मुख्यमंत्री देवेंद्र फडणवीस यांचे निकटवर्तीय नागपुरचे माजी महापौर संदीप जोशी यांचाही समावेश आहे.

आमदार प्रवीण दटके विधान सभेच्या निवडणुकीत निवडून आल्यानंतर त्यांच्या रिक्त झालेल्या जागेवर नागपूरमधून कोणाला संधी मिळेल याकडे सर्वांचे लक्ष लागले होते. अनेकांची नावे घेतली जात होती. मात्र मुख्यमंत्री देवेंद्र फडणवीस यांनी यासाठी त्यांचे विश्वासू, नागपूर शहराचे माजी महापौर संदीप जोशी यांची निवड केली आहे. यामुळे भाजपच्या युवा कार्यकर्त्यामध्ये चैत्यन निर्माण झाले आहे. विशेष म्हणजे जोशी हे भाजपसोबतच झेप नावाची संस्था चालवतात. केंद्रीय मंत्री नितीन गडकरी यांचा खासदार क्रीडा महोत्सव जोशी यांच्याच नेतृत्वात घेतला जातो.

आमदर प्रवीण दटके आणि संदीप जोशी यांनी एकाचवेळी महापालिकेच्या राजकारणातून आपली राजकीय कारकीर्द सुरु केली होती. दोघेही महापौर झाले. आता आमदारसुद्धा होणार आहेत. जोशी यांचे वडील दिवाकर जोशी हे यापूर्वी आमदार होते. ते शिक्षक मतदार संघातून विधानपरिषदेवर निवडून गेले होते. संदीप यांना राजकारणात येण्यास वडिलांचा सुरुवातीला विरोध होता. नितीन गडकरी यांनी संदीप यांना भाजपमध्ये काम करावे या साठी दिवाकर जोशी यांच्याकडे विनंती केली होती. त्यास दिवाकर जोशी यांनी काडाडून विरोध केले होता. मात्र वडिलांच्या निधनानंतर तसेच फडणवीस यांच्या सानिध्यात आल्यानंतर संदीप जोशी राजकारणात गेले.

त्यांनी नागपूर महापालिकेत आपल्या नेतृत्वाची छाप पाडली. सलग दोनवेळा महापलिका स्थायी समितीचे सभापतीपद भूषवण्याची संधी त्यांना मिळाली. त्यानंतर सतत्तापक्ष नेते आणि महापौर झाले. महापालिकेत भरभरून शिड्या चढत असताना विधान परिषदेच्या निवडणुकीत त्यांना पराभवाला तोंड द्यावे लागले होते. नागपूर विभागीय पदवीधर मतदार संघाच्या निवडणुकीत त्यांना आमदार अभिजित वंजारी यांनी पराभवाचा धक्का दिला होता.

भाजपच्या हक्काचा आणि नितीन गडकरी यांच्या मतदार संघात झालेला पराभव भाजपच्या चांगलाच जिव्हारी लागला होता. या निवडणुकीत भाजप नेत्यांचे जोशी यांच्या उमेदवारीवरून मतभेद उफाळून आले होते. यामुळेच जोशी यांचा घात झाल्याचे बोलले जाते. त्यानंतर जोशी यांच्याकडे पश्चिम नागपूर विधान सभा मतदार संघ सोपवण्यात आला.

ते या मतदार संघाचे प्रभारी होते. विधानसभेची निवडणूक जाहरी झाली तेव्हा संभाव्य उमेदवार म्हणून त्यांच्या नावाची चर्चा सुरु होती. मात्र जातीय बलाबल आडवे आले. हीच अडचण लक्षात घेऊन फडणवीस यांनी जोशी यांना विधान परिषदेवर पाठले असल्याचे सांगण्यात येते.