अकोला, पालघर, धुळ्यात जिल्हा परिषद निवडणूकीच्या मतदानाला सुरुवात

अकोला जिल्हा परिषद आणि पंचायत समितीच्या निवडणुकीला प्रारंभ

अकोला जिल्हा परिषद आणि पंचायत समितीच्या निवडणुकीला प्रारंभ झाला आहे. या मतदार प्रक्रियेत 3 लाख 71 हजार 690मतदार आपल्या मतदानाचा हक्क बजावणार आहेत. तर जिल्हा परिषदेच्या 14 गटासाठी 68 उमेदवार आणि पंचायत समितीच्या 28 गणासाठी 119 उमेदवार आपले नशीब आजमावत आहेत.

पालघर : पालघर जिल्हा परिषदेच्या पोटनिवडणुकीच्या 29 जागेसाठी आज मतदान असून सकाळी 7.30 ते 5. 30 वाजेपर्यंत मतदान होणार आहे. जिल्हा परिषद आणि पंचायत समितीच्या 29 जागेसाठी जवळपास 144 उमेदवार उभे असून 3 लाख 67 हजार 602 मतदार उमेदवारांचे भवितव्य ठरवणार आहेत. कायदा व सुव्यस्था बिघडू नये यासाठी योग्य ती खबरदारी प्रसासनाच्या वतीने घेण्यात आली आहे. तसेच,ज्या भागात मतदान आहे तेथे प्रशासनाच्या वतीने शासकीय सुट्टी जाहीर करण्यात आली आहे. तर जास्तीत जास्त मतदानाची टक्के वाढावी यासाठी ही प्रयत्न असेल. आज झालेल्या मतदानाच उद्या मतमोजणी होणार आहे.

या पोटनिवडणुकीत शिवसेना ,काँग्रेस, राष्ट्रवादी काँग्रेस स्वबळावर लढत असून भाजपा ही आपल्या ताकदीनिशी उतरल्याच बघायला मिळत आहे. तर मनसे, बहुजन विकास आघाडी ही पूर्ण ताकदीनिशी या निवडणुकीच्या रिंगणात आहे. मात्र या पोटनिवडणुकीत बाजी कोण मारणार हे उद्याच्या मतमोजणी नंतरच स्पस्ट होईल.

धुळे : धुळ्यातही जिल्हा परिषद व पंचायत समितीच्या पोटनिवडणुकीसाठी मतदानाला सुरुवात झाली आहे. मिनी मंत्रालय समजल्या जाणाऱ्या जिल्हा परिषद त्याचबरोबर पंचायत समितीच्या पोटनिवडणुकीसाठी आज धुळे जिल्हा मध्ये निवडणूक प्रक्रिया पार पडत आहे. धुळे जिल्ह्यात जवळपास पंधरा गट व तीस गटांपैकी एक गट व दोन गटांमध्ये बिनविरोध निवड झाल्यानंतर आता 14 गट व 28 गणांसाठी निवडणूक प्रक्रिया पार पडत आहे.

या निवडणुकीदरम्यान जवळपास 114 उमेदवार हे आपले नशीब आजमावत आहेत. महाविकास आघाडी विरुद्ध भाजप असा सामना रंगणार असल्याचे दिसून येत आहे. त्यामुळे सर्वच पक्षांनी ही निवडणूक प्रतिष्ठेची बनवण्याचे बघावयास मिळत आहे.