CJI Bhushan Gavai : गावकऱ्यांच्या साक्षीने सरन्यायाधीश भूषण गवईंची मोठी घोषणा, म्हणाले "निवृत्तीनंतर मी..."

Bhushan Gavai News : सुप्रीम कोर्टाचे सरन्यायाधीश भूषण गवई हे अमरावतीच्या दौऱ्यावर आहेत. शुक्रवारी (ता.25) दर्यापूर तालुक्यातील दारापूर या त्यांच्या मूळ गावी कौटुंबीक सत्कार करण्यात आला. दारापूरचा पुत्र देशाचा सरन्यायाधीश झाला हा आनंद साजरा करण्यासाठी संपूर्ण गाव या कार्यक्रमाला लोटले होते. सत्कार समारंभानंतर गावकऱ्यांसमोर भूषण गवई यांनी आपल्या भावना व्यक्त केल्या.

भूषण गवई म्हणाले, निवृत्तीनंतर मी कोणतेही शासकीय पद घेणार नाही. निवृत्तीनंतर मी जास्तीत जास्त वेळ दारापूर, अमरावती, नागपूर येथे घालवेल. भूषण गवई यांनी गावातील आपल्या जुन्या घराला भेट दिली त्यावेळी त्यांनी आठवणींनी उजाळा दिला.

एकोप्याने राहणारे गाव म्हणून दारापूरचा नावलौकीक असल्याचे देखील ते म्हणाले. त्यांचे गावामध्ये त्यांचे आगामन झाले त्यावेळी गावातील विद्यार्थ्यांनी शाळेसमोर उभे राहून त्यांचे स्वागत केले.

शेतीत रमणारे सरन्यायाधीश

भूषण गवई यांचे प्राथमिक शिक्षण अमरावतीच्या फ्रेजरपुरा परिसरातील शाळेतून झाले पुढील शिक्षणासाठी ते शिक्षण मुंबईतील होलिक्रोस स्कूलमधून घेतली. मुंबईतून वाणिज्य शाखेतून पदवी घेतल्यानंतर अमरावतील आले. त्यांना शेतीची आवड असल्याने त्यांनी दोन ते तीन वर्ष शेती केली.शेती केल्यानंतर त्यांनी तीन ते चार वर्षांनी त्यांनी कायद्याचे शिक्षण घेण्यासाठी अमरावतीच्या डाॅ.पंजाबराव देशमुख विधी महाविद्यालयात प्रवेश घेतला, अशी आठवण त्यांच्या आई यांनी एका मुलाखतीमध्ये सांगितली होती.