महायुती सरकारमधील 8 मंत्र्यांना डच्चू मिळणार असल्याच्या बातम्या माध्यमामध्ये प्रसिद्ध झाल्या आहे, अशातच शिवसेना उद्धव बाळासाहेब ठाकरे पक्षाचे खासदार संजय राऊत यांनी मुख्यमंत्री देवेंद्र फडणवीस यांच्यावर तोंडसूख घेतलं आहे.
'देवेंद्र फडणवीसांचं सरकार कॅरेक्टरलेस आहे,' अशा शब्दात राऊतांनी फडणवीसांना तोफ डागली आहे. मंत्रीमंडळातील मंत्री दरोडेखोर म्हणून काम करीत असल्याचे राऊता पत्रकारांशी बोलताना म्हणाले.
फडणवीसांचं सरकार कॅरेक्टरलेस, चारित्र्यहीन सरकार आहे, या सरकारचा तुम्ही अभ्यास करा, त्यांच्या वाढदिवसानिमित्ता जी स्मरणिका प्रसिद्ध झाली आहे, ती पुन्हा वाचा, त्याच फुले उधळली आहे. ती प्लॅस्टीकची फुले आहेत का, हे तपासा.
ज्येष्ठ नेते शरद पवार, उद्धव ठाकरे यांच्यासह अनेकांनी त्यांच्यावर फुले उधळली. त्या फुलांचा वास सुकला नसेल तर त्यांनी आपण चारित्र्यवान आहोत आणि मी चारित्र्यवान सरकार चालवत आहे, यासाठी त्यांना काम करावे लागेल, असा टोला त्यांनी लगावला.
फडणवीसांच्या मंत्रीमंडळातील 75 टक्के मंत्री युजलेस आहेत, ते मंत्री म्हणून काम करीत नाहीत ते दरोडेखोर म्हणून काम करतात, असा घणाघात राऊतांनी केला.फडणवीसांचा एक मंत्री मारहाण करतो, एक मंत्री रमी खेळतो, एक सिगारेट ओढत पैशांच्या बॅगा भरतो, एका मंत्री डान्सबार चालवतो, असे राऊत म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.