Baramati News : राज्याचे उपमुख्यमंत्री अजित पवार शुक्रवारी (ता.29) बारामतीच्या दौऱ्यावर होते. यावेळी त्यांनी शेतकरी मेळाव्यास हजेरी लावली. या मेळाव्यात त्यांनी खासदार सुप्रिया सुळेंसह युगेंद्र पवारांना लक्ष केलं. तसेच ठेकेदार आणि पुढाऱ्यांनाही झापलं. यावेळी भर स्टेजवर अजितदादांनी व्यक्त केलेला संताप हा राज्यातील राजकीय वर्तुळात चर्चेचा विषय ठरला आहे.
अजित पवार यांनी या मेळाळ्यात सुप्रिया सुळे आणि युगेंद्र पवारांवरही निशाणा साधला. यावेळी ते म्हणाले, काही जणांना वाटतं की माझ्या ताब्यात इतरही कारखाने आहेत. ते तसे बोलताही. तर ताब्यातील कारखान्यांना 2800 रूपयांचे देण्यासाठी आम्ही भाग पाडले. पण कर्जाचा डोंगर उभा न करता आम्हाला कारखाना चांगला चालवायचा आहे. चांगला भाव द्यायचा आहे. त्यामुळे माझ्या जीवात जीव असेपर्यंत माळेगावला कारखान्याला धक्का लागू देणार नाही. मात्र ज्या दिवशी ते शक्य नसेल तेंव्हा जाहीर सभा घेऊन स्पष्ट सांगेन की आता मला जमाणार नाही, तेंव्हा मग बघू, असं युगेंद्र पवारांचे नाव घेता टोला लगावला आहे.
तर आता बारामतीत आमचे सरकार आल्यापासून 100 दिवसात 1000 कोटींचा निधी आणला आहे. आता कामेही प्रगती पथावर आहेत. फक्त फोटो काढून कामं होत नाहीत, असा निशाना खासदार सुप्रिया सुळेंवरही साधला. यावेळी त्यांनी बारामतीत सुरू असणाऱ्या कामांवर भाष्य केलं. तसेच येथील मलिदा गँगने तर मला नकोसं केलं असून भरसभेत ठेकेदारांसह पुढाऱ्यांना झापलं.
अजितदादांनी थेट रोषच व्यक्त करताना, एकतर तुम्ही पुढारपण करा अन्यथा कॉन्ट्रॅक्ट अशा शब्दात आपला रोष व्यक्त करताना ठेकेदारांसह पुढाऱ्यांचे कान टोचले आहेत. तर मी विकासाची कामे करण्यासाठी निवडून आलो असून निधी देण्यात कमी पडलो तर मला बोला. उगाच काहीही बोलू नका. 100 दिवसात 1000 कोटींचा विकास निधी बारामतीत आणला आहे.
'मी काही बाकीच्यांसारखं भेटायला, फोटो काढायला जात नाही, नमस्कार करायचा आणि फोटो काढायचा येवढंच करत नाही. फोटो काढून विकास होत नसतो? प्रश्न सूटत नसतात. तर त्यासाठी प्रशासनावर आपला दरारा असायला लागतो', असा टोला सुप्रिया सुळेंच नाव न घेता लगावला आहे. त्यांच्या या वक्तव्यांची सध्या बारामतीसह राज्यभर चर्चा होत आहे. तर अजितदादांच्या या टोलेबाजीवर सुप्रिया सुळे आणि युगेंद्र पवार काय प्रतिक्रिया देतात ते पाहावं लागणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.