Gotya Gitte Video : 'वाल्मिक कराड दैवत, तू वंजारी नाहीस...', फरार गोट्या गित्तेच्या व्हिडिओने खळबळ!

Gotya Gitte Viral Video : महादेव मुंडे हत्या प्रकरणात वाल्मिक कराड याच्यावर संशयाची सुई आहे. वाल्मिक कराडे दोन मुलं आणि गोट्या गित्ते यांची ही हत्या केल्याचा आरोप करण्यात येत आहे. या प्रकरणी एसआयटी देखील स्थापन करण्यात आली आहे. मात्र, या प्रकरणातील फरार गोट्या गित्ते अजुनही पोलिसांना सापडलेला नाही.

पोलिसांना न सापडणाऱ्या गोट्या गित्तेचा नवीन व्हिडिओ समोर आल्याने खळबळ उडाली आहे. इन्स्टाग्राम अकाऊंटवर हा व्हिडिओ पोस्ट करण्यात आला आहे. यातून गोट्या गित्ते वाल्मिकअण्णा हे दैवत असल्याचे सांगतो आहे. वाल्मिक कराडचे काय आहे हे वरळीतील श्रीमंत, गरीब सगळ्यांना विचारा. ते दैवत असल्याचा पुनर्रउच्चार देखील तो या व्हिडिओमध्ये करतोय.

हा व्हिडिओ नेमका कधीचे आहे हे स्पष्ट होऊ शकले नाही. मात्र, हा जानेवारी महिन्यातील व्हिडिओ असल्याचे सांगितले जात आहे. जुना व्हिडिओ आता गोट्या गित्तेच्या इन्स्टाग्राम अकाऊंट पोस्ट केला गेला आहे. त्यामध्ये जितेंद्र आव्हाड तुम्ही धनंजय मुंडे यांना टार्गेट करु नका. तुम्ही वंजारी नाही, वाल्मिकअण्णा आमचे दैवत असल्याचे देखील गोट्या गित्ते म्हणतो आहे.

जितेंद्र आव्हाडांना धमकी

नऊ मिनिटांच्या व्हिडिओमध्ये गोट्या गित्ते याने जितेंद्र आव्हाड यांना धमकी दिली आहे. ' तुझे व्हाईस काॅल रेकाॅर्डिंग माझ्याकडे आहेत. तु आहेस नेमका कोणाचा? वंजारी समाजाचा नाहीस तू. जे तू करतोय ते तुला महागात पडणार आहे. '

कोण आहे गोट्या गित्ते

गोट्या गित्तेचे मूळ नाव ग्यानबा मारुती गित्ते असे आहे. तो परळी तालुक्यातील असून त्याचे मूळ गाव नंदापौळ आहे. मात्र, परळी शहरातील बँक काॅलनी परिसरात तो राहत होता. त्याच्या विरोधात पोलिस ठाण्यात चोरी, माफ मर्डर असे गंभीर गुन्हे देखील दाखल होते.