Government Holiday : 'या' तारखेला महाराष्ट्रात सरकारी सुट्टी जाहीर! शाळा-कॉलेजही राहणार बंद, पण नक्की कारण काय?

राज्यात पुन्हा एकदा निवडणुकीचे वातावरण रंगले आहे. जानेवारीच्या दुसऱ्या आठवड्यात मुंबई, पुण्यासह राज्यातील 29 महापालिकांच्या निवडणुकीचा धुरळा उडणार आहे. सध्या महानगरपालिका निवडणुकींसाठी सर्वत्र जोरदार तयारी सुरू आहे. येत्या 15 जानेवारीला महानगरपालिका निवडणुकीसाठी मतदान होत असून, मतदानाचा हक्क बजावता यावा यासाठी राज्यातील नोकरदार वर्गासाठी राज्य सरकारने मोठी अपडेट दिली आहे.

महानगरपालिका निवडणुकीच्या पार्श्वभूमीवर राज्य सरकारने 15 जानेवारीला राज्य सरकारने सुट्टी जाहीर केली आहे. महाराष्ट्रातील 29 महापालिकांच्या निवडणुकांसाठी मतदान होणार आहे. ही सुट्टी कंपन्या, आयटी पार्क्समधील कर्मचाऱ्यांसाठी हा नियम लागू असणार आहे.

फक्त मतदान क्षेत्रातील सरकारी कार्यालयेच नव्हे तर केंद्र शासनाची कार्यालये, निमशासकीय विभाग, सार्वजनिक उपक्रम, तसेच बँकांनाही ही सुट्टी लागू राहणार आहे. त्यामुळे नागरिकांनी 15 जानेवारीला बँकिंग किंवा सरकारी कामकाजाचे नियोजन करताना काळजी घ्यावी. त्या दिवशी सर्व संबंधित कार्यालये पूर्णपणे बंद असतील. तसेच सुट्टी न देणाऱ्या कार्यालयांवर कडक कारवाईचा इशारा उद्योग आणि कामगार विभागाने दिला आहे.

मतदान हा प्रत्येक नागरिकाचा हक्क आणि कर्तव्य आहे. म्हणून सर्व पात्र मतदारांनी 15 जानेवारीला मतदान करून लोकशाही प्रक्रियेत सहभागी व्हावे, असे अवाहन करण्यात येत आहे. दरम्यान, राज्य निवडणूक आयोगाने सांगितलेल्या वेळापत्रकानुसार प्रचाराची मुदत 13 जानेवारीच्या रात्री 10 वाजेपर्यंत असणार आहे. त्यामुळे उमेदवार उशिरा प्रचार करता येणार आहे.

निवडणुका जवळ येत असताना मतदारांमध्ये उत्सुकता वाढत असून, प्रशासनही निवडणूक पारदर्शक आणि शांततेत पार पडावी यासाठी सज्ज झाले आहे. आता सर्वांची नजर 15 जानेवारीच्या मतदानावर आणि नव्या स्थानिक सत्तेच्या घडामोडींवर लागली आहे.