BJP News: भाजप कार्यालयात चहा करणारा झाला नगरसेवक! मोदींच्या होमटाऊनमध्ये विरोधकांना पाजलं पाणी; VIDEO पाहा

Inspiring victory in gujarat: गुजरात स्थानिक स्वराज्य संस्थांच्या निवडणुकीत भाजपने प्रचंड विजय मिळवत पुन्हा एकदा आपली ताकद दाखवून दिली आहे. मात्र या निकालात सर्वाधिक चर्चेत राहिले ते नाव – रमेशभाई भील. तब्बल 28 वर्षे भाजप कार्यालयात पदाधिकारी, नेत्यांना चहा देणारे रमेशभाई आता थेट नगरसेवकपदी विराजमान झाले आहेत.

पंतप्रधान नरेंद्र मोदी (Narendra Modi) यांच्या गृह जिल्हा असलेल्या मेहसाना ( Mehsana) मधील हा निकाल केवळ राजकीय नाही, तर सामान्य कार्यकर्त्यांसाठी मोठी प्रेरणा ठरत असल्याचे राजकीय विश्लेषकांचे मत आहे. भाजपने या निवडणुकीत अनेक नगरपालिकांवर पुन्हा झेंडा फडकावला आहे.

28 वर्षांची मेहनत अखेर फळाला

50 वर्षीय रमेशभाई भील हे मेहसाणा भाजप कार्यालयात शिपाई म्हणून काम करत होते. कार्यालयातील नेत्यांना चहा देणे, पाहुणचार करणे आणि दैनंदिन कामे सांभाळणे — हीच त्यांची ओळख होती. पण पक्षनिष्ठा आणि सातत्यपूर्ण सेवेमुळे अखेर भाजपने त्यांच्यावर विश्वास दाखवत वार्ड क्रमांक 13 मधून त्यांना उमेदवारी दिली.

4 हजार मतांनी दणदणीत विजय

रमेशभाई भील यांनी निवडणुकीत तब्बल 4 हजाराहून अधिक मतांनी विजय मिळवत विरोधकांना पाणी पाजलं. पटकावले. विशेष म्हणजे त्यांच्या संपूर्ण पॅनेलनेही मोठ्या फरकाने विजय मिळवला आहे. त्यामुळे हा विजय केवळ व्यक्तीचा नसून कार्यकर्त्यांच्या विश्वासाचा विजय मानला जात आहे.

‘विकासावरच फोकस’

"मी पंतप्रधान नरेंद्र मोदी यांच्या नेतृत्वाखाली काम करणार असून माझा भर विकासावरच राहील. रस्ते, पाणी, स्वच्छता आणि शिक्षण या मूलभूत सुविधांवर प्राधान्य देणार आहे." असे रमेशभाई म्हणाले.

तळागाळातील कार्यकर्त्यांची ताकद

रमेशभाई भील यांची कहाणी भारतीय राजकारणातील तळागाळातील कार्यकर्त्यांच्या ताकदीचे जिवंत उदाहरण ठरते. साध्या कुटुंबातून आलेल्या रमेशभाईंनी आयुष्यभर मेहनत आणि सेवाभाव जपला — आणि त्याच मेहनतीने त्यांना आता सत्तेच्या केंद्रस्थानी पोहोचवले.