Namo Shetkari Mahasanman Nidhi Yojana : शेतकऱ्यांना अनेक दिवसांपासून 'नमो शेतकरी महासन्मान निधी योजने'च्या सहाव्या हप्त्याची प्रतिक्षा होती. अखेर आता शेतकऱ्यांची संपली आहे. कारण आता या योजनेचे पैसे शेतकऱ्यांच्या खात्यात उद्यापासून जमा होण्याची शक्यता आहे.
याबाबतची माहिती राज्याच्या मुख्यमंत्री कार्यालयाकडून प्रसिद्धीपत्रकाद्वारे देण्यात आली आहे. 'नमो शेतकरी महासन्मान निधी योजनेच्या सहाव्या हप्त्यांतर्गत 93.26 लाख शेतकऱ्यांना लाभ वितरित केला जाणार आहेच. या योजनेची 2169 कोटींची रक्कम शेतकऱ्यांच्या बँक खात्यात जमा केली जाणार आहे.
केंद्र शासनाने प्रधानमंत्री किसान सन्मान निधी योजना फेब्रुवारी 2019 पासून सुरु केली आहे. या योजने अंतर्गत पात्र शेतकऱ्यांना (Farmer) समान तीन हप्त्यात 6000 रुपये दिले जातात. प्रधानमंत्री कृषी सन्मान निधी योजनेत राज्य शासनाच्या अनुदानाची भर घालणारी 'नमो शेतकरी महासन्मान निधी ही योजना शेतकऱ्यांच्या उत्पन्नवाढीसाठी राज्यात 2023-24 साली सुरू करण्यात आली.
या योजनेमध्ये पी. एम. किसान योजनेच्या 6 हजार रुपयाच्या लाभामध्ये राज्य शासनाकडून 6 हजारांची भर घातली जाते. त्यानुसार शेतकऱ्यांना वर्षाला 12 हजार रुपये दिले जातात. दरम्यान, आतापर्यंत नमो शेतकरी महासन्मान निधी योजनेचे एकूण 5 हप्ते वितरीत करण्यात आले आहेत. याचा राज्यातील 90.86 लाख शेतकऱ्यांना 8961.31 कोटी वितरीत करण्यात आले आहेत.
तर पंतप्रधान मोदींच्या (Narendra Modi) हस्ते डिसेंबर, 2024 ते मार्च, 2025 या कालावधीतील PM किसान सन्मान निधी योजनेचा 19 वा हप्ता वितरीत करण्यात आला. हा हप्ता वितरण सोहळ्यामध्ये महाराष्ट्र राज्यातील एकूण 92.89 लाख शेतकऱ्यांना 1967.12 कोटींच्या निधीचं वाटप करण्यात आलं आहे.
या व्यतिरीक्त केंद्र शासनाने पी.एम. किसान योजनेअंतर्गत एकूण 65047 लाभार्थींना लाभ देण्याचे नियोजन करण्यात आलं आहे. त्यानुसार राज्यातील 93.26 लाख शेतकऱ्यांना नमो शेतकरी महासन्मान निधी योजनेचा सहाव्या हप्त्याचा सुमारे रक्कम 2169 कोटी शेतकऱ्यांच्या बँक खात्यात जमा करण्यात आल्याची माहिती मुख्यमंत्री कार्यालयाकडून देण्यात आली आहे.
२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.