Islampur Name Change : मोठी बातमी! इस्लामपूर नाही आता 'ईश्वरपूर'; नामकरणास केंद्र सरकारची मान्यता

Ishwarpur News : राज्य सरकारने इस्लामपूरचे नामकरण ईश्वरपूर केले होते. या नामकरणाला केंद्र सरकारने मान्यता दिली आहे. आता ईश्वरपूर असे इस्लापूरचे अधिकृत नाव असणार आहे. पावसाळी अधिवेशनात मंत्री छगन भुजबळ यांनी इस्लापूरचे नाव ईश्वरपूर करण्याची घोषणा केली होती.

राज्य मंत्रिमंडळाने देखील या नामकरणार मान्यता दिली होती. राज्य मंत्रिमंडळाच्या मान्यतेनंतर केंद्र सरकारकडे नामकरणाचा प्रस्ताव पाठवण्यात आला होता. त्याला केंद्र सरकारने मान्यता दिली आहे.

केंद्र सरकारच्या नामकरणाला दिलेल्या मंजुरीने प्रथम ईस्लापूर शहराचे नाव ईश्वर करण्यात येईल. त्यानंतर ईश्वरपूर नगरपरिषद, ईश्वरपूर विधानसभा मतदारसंघ असे नामकरण करण्यात येईल.

इस्लापूरचे नामकरण ईश्वरपूर करण्याची गेल्या अनेक वर्षापासूनची मागणी होती. दरम्यान, आपण त्या शहराचे लोकप्रतिनिधी आहोत. नामांतरासाठी आपल्याला विश्वासात घ्यायला हवे होते.किमान याची कल्पना सरकारने मलातरी द्यायला हवी होती, पण तसे झाले नाही. फक्त धार्मिक गोष्टीकडे बघत हा निर्णय घेतला गेला. पण तेथील ऐतिहासिक विचारात घेतला गेला नाही, अशी टीका जयंत पाटील केली होती.

पावसाळी अधिवेशनात निर्णय

पावसाळी अधिवेशनाच्या शेवटच्या दिवशी अन्न, नागरी पुरवठा व ग्राहक संरक्षण मंत्री छगन भुजबळ यांनी विधीमंडळात इस्लापूरचे नाव ईश्वारपूर्ण करण्यात आल्याचे जाहीर केले. मंत्रिमंडळाच्या बैठकीत इस्लामपूरचे नाव बदलण्याचा निर्णय घेण्यात आल्याचे त्यांनी सांगितले तसेच राज्य सरकार आता ही शिफारस केंद्र सरकारकडे मंजुरीसाठी पाठवणार असल्याचे त्यांनी स्पष्ट केले होते. आता केंद्राने देखील या नामकरणास मंजुरी दिली आहे.