Anil Parab : अनिल परब यांना दिलासा; साई रिसॉर्ट प्रकरणात अटकपूर्व जामीन मंजूर!

रत्नागिरी : दापोली येथील साई रिसॉर्ट प्रकरणात माजी मंत्री अनिल परब यांना आता न्यायालयाकडून मोठा दिलासा मिळाला आहे. दापोली येथील साई रिसॉर्ट प्रकरणी अनिल परब यांना अखेर अटकपूर्व जमीन मंजूर केला आहे. खेड येथील अतिरिक्त सत्र न्यायालयात अटकपूर्व जमीन मंजूर केला आहे.

भाजपचे नेते किरीट सोमय्या यांनी परब यांच्यावर दापोली येथील साई रिसॅार्टबाबत आरोप केले होते. पर्यावरण नियमांचे उल्लंघन करुन रिसॉर्ट अनधिकृतपणे बांधण्यात आले होते. याप्रकरणी खेड व दापोली न्यायालयात अ‍ॅड. परब यांच्यावर फौजदारी गुन्हा दाखल करण्यासाठी वेगवेगळ्या याचिका दाखल करण्यात आल्या आहेत.

साई रिसॉर्टचे १५ हजार ८०० स्क्वेअर फुटाचे बांधकाम करताना रोख रक्कम वापरण्यात आल्याचा संशय आहे. तसेच या प्रॉपर्टीचा करही परब यांनी भरण्यात आळा आहे. याचीही आयकर विभागाकडून चौकशी करण्याची मागणी करण्यात आली आहे, असे आरोप किरीट सोमय्या यांनी परबांवर केले होते.

याप्रकरणात आता न्यायायालयाने परब यांना अटकपूर्व जामीन मंजृर केला आहे. मिळालेल्या माहितीनुसार, दापोली येथील साई रिसोर्ट प्रकरणी माजी मंत्री अनिल परब यांना अखेर अटकपूर्व जामीन मंजूर झाला आहे. खेडमधील अतिरिक्त सत्र न्यायालयाने परब यांना अटकपूर्व जामीन मंजूर केला आहे. वकील अॅड सुधी बुटाला यांनी अनिल परबांच्या वतीने जामीनासाठी न्यायालयाकडे अर्ज दाखल केला होता. वकीलांचा युक्तिवाद ऐकल्यानंतर न्यायालयाने जामीन मंजूर केला आहे