महाड नगरपरिषद निवडणुकीतील हिंसाचार प्रकरणात आरोपींच्या अटकेत अपयश आल्याने मुंबई उच्च न्यायालयाने सरकारवर तीव्र नाराजी व्यक्त केली.
मुख्यमंत्री असहाय्य असल्याचा उल्लेख करत कोर्टाने सरकारला मुख्यमंत्री आणि भरत गोगावलेंकडून निर्देश घेण्याचे आदेश दिले.
या प्रकरणामुळे महाराष्ट्रातील कायदा-सुव्यवस्था आणि राजकीय जबाबदारीवर प्रश्नचिन्ह निर्माण झाले आहे.
Raigad News : रायगडच्या पालकमंत्रिपदावरून सुरू झालेला वाद अद्याप कमी झालेला नसून या वादाची उकळी महाडच्या हिंसाचारातून बाहेर पडल्या. यानंतर शिवसेनेचे नेते मंत्री भरत गोगावले यांचे सुपूत्र विकास गोगावले फरार असून ते अद्याप पोलिसांना सापडलेले नाही. तोच विकास गोगावले फरार नसून आपण त्याच्या जामीनासाठी सर्वोच्च न्यायालयात जावू असे म्हणणारे भरत गोगावले अडचणीत आले आहेत. या प्रकरणावरून मुंबई उच्च न्यायालयाने तीव्र नाराजी व्यक्त करत सरकारची झाडाझडती घेतली आहे. तसेच मुख्यमंत्री इतके असहाय्य आहेत की त्यांना याप्रकरणी काहीही करता येत नाही, असे फटकारतं भरत गोगावलेंना मुलाला हजर करण्याचे निर्देश दिले आहेत. यामुळे आता या प्रकरणात विकास गोगावले यांना अटक होणार हे निश्चित झाले आहे.
रायगडमधील शिवसेना आणि राष्ट्रवादीचा वाद काही केल्या थांबलेला नाही. आधी पालकमंत्री पदावर दावा करत गोगावले यांनी राष्ट्रवादी काँग्रेसच्या नेत्या तटकरे यांना विरोध केला होता. तसेच स्वातंत्र्य दिन आणि प्रजासत्ताक दिनाला ध्वजारोहनावरून देखील सुनावले होते. तसेच आमच्या हस्ते ध्वजारोहण व्हावे, ही जनतेची इच्छा असल्याचे म्हटले होते. ज्यानंतर त्यांची ही इच्छा आता फडणवीस सरकारने पूर्ण केली असून येत्या प्रजासत्ताक दिनी गोगावले यांच्या हस्ते रायगड जिल्ह्याच्या मुख्यालयावर ध्वजवंदन होणार आहे. या निर्णयामुळे गोगावलेंसह त्यांचे कार्यकर्ते आनंदात होते.
मात्र हा आनंद जास्त काळ टीकला नसून महाड राडा प्रकरणी मुंबई उच्च न्यायालयाने नाराजी व्यक्त करत मंत्री भरत गोगावले यांच्या मुलाला अटक का झाली नाही असा सवाल उपस्थित केला आहे. तसेच या प्रकरणात राज्य सरकार आपली भूमिका स्पष्ट करावी असे आदेश दिले आहे. महाड राडा प्रकरणात गोगावले यांचा मुलगा विकास गोगावले, पुतण्या महेश गोगावले यांच्यासह माजी आमदार माणिक जगताप यांचे पुत्र आणि राष्ट्रवादी काँग्रेसचे नेते श्रीयांश जगताप यांच्यावरही गुन्हा दाखल आहे.
या प्रकरणात न्यायालयाने आता सरकारला फटकारलं असून आरोपींमधील कोणालाही 24 तासात अटक करण्यात पोलिसांना यश आलेले नाही. सरकार त्यांना का अटक करू शकत नाही. तर यांना अटक करायची नसलेच तर याबाबत प्रतिज्ञापत्रं सादर करा अशा शब्दात थेट सुनावले आहे.
या प्रकरणामुळे राज्यातील कायदा आणि सुवव्यस्था प्रभावित झाला असून माननीय मुख्यमंत्री इतके असहाय्य आहेत की त्यांना त्याबाबत काहीही करता येत नाही अशा शब्दात न्यायालयाने नाराजी व्यक्त केली आहे. याचबरोबर गोगावले यांचा मुलगा विकास गोगावले यांना शुक्रवारी (ता.२३) सकाळी ११ वाजेपर्यंत पोलिसांसमोर हजर होण्याचेही आदेश न्यायालयाने दिले आहेत.
यावेळी न्यायालयात राज्याचे महाअधिवक्ता यांनी मंत्री भरत गोगावले त्यांच्या मुलाशी संपर्क करून त्याला कोर्टात हजर करतील असेही त्यांनी स्पष्टीकरण दिले आहे. तसेच भरत गोगावले यांनी देखील आम्हाला न्यायालयाचा किंबा पोलिसांचा अपमान करायचा नसून आम्ही वरच्या न्यायालयात जामीनासाठी प्रयत्न करत आहोत. तेथेही जामीन न मिळाल्यास आम्ही मुलाला हजर करणार असल्याचे म्हटलं आहे. पण आता हे प्रकरण शिवसेनेचे मंत्री भरत गोगावले यांना भोवणार अशी शक्यता निर्माण झाली आहे.
नेमकं प्रकरण काय?
महाड नगरपरिषदेच्या मतदानादरम्यान नवे नगर परिसरात तणाव निर्माण झाला होता. विकास गोगावले आणि सुशांत जाबरे समर्थक एकमेकांशी भिडले होते. सुशांत जाबरे आणि त्यांच्या अंगरक्षकाला विकास गोगावले यांच्या समर्थकांनी मारहाण केली होती. जाबरे समर्थकांच्या अनेक गाड्यांची तोडफोड करण्यात आली. तर जाबरे यांच्या समर्थकांनी विकास गोगावले यांना रिव्हॉल्व्हर दाखवले होते. ज्यानंतर ते काढून घेत विकास गोगावले पोलीस ठाण्यात पोहोचले होते. ज्यानंतर येथे तणावाचे वातावरण निर्माण झाले होते. तर परस्पर विरोधी गुन्हे महाड पोलीस ठाण्यात दाखल करण्यात आले होते. यानंतर आतापर्यंत विकास गोगावले फरार असून त्यांचा जामीन अर्ज उच्च न्यायालयाने देखील फेटाळला आहे.
FAQs :
1) महाड राडा प्रकरण काय आहे?
👉 महाड नगरपरिषद निवडणुकीदरम्यान झालेल्या हिंसाचाराशी संबंधित प्रकरणाला महाड राडा प्रकरण म्हटले जाते.
2) या प्रकरणात कोणाचा सहभाग असल्याचा आरोप आहे?
👉 मंत्री भरत गोगावले यांच्या मुलासह काही आरोपींचा सहभाग असल्याचा आरोप आहे.
3) मुंबई उच्च न्यायालयाने काय निरीक्षण नोंदवले?
👉 सरकारच्या अपयशावर नाराजी व्यक्त करत मुख्यमंत्री असहाय्य असल्याचे निरीक्षण कोर्टाने नोंदवले.
4) कोर्टाने सरकारला काय आदेश दिले?
👉 मुख्यमंत्री आणि भरत गोगावलेंकडून निर्देश घेण्याचे आदेश कोर्टाने दिले.
5) या प्रकरणाचा राजकीय परिणाम काय होऊ शकतो?
👉 या प्रकरणामुळे महाराष्ट्रातील राजकारणात मोठी खळबळ निर्माण होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.