निवडणुकीआधी मालवणमध्ये शिवसेना आमदार निलेश राणे यांनी भाजपवर पैसे वाटपाचे गंभीर आरोप करत स्टिंग ऑपरेशन केले.
राणे यांनी भाजप कार्यकर्ता विजय केनवडेकर यांच्या घरी धाड टाकत लाईव्ह व्हिडिओ घेतला, त्यानंतर त्यांच्या विरोधात घरात घुसखोरीचा गुन्हा दाखल झाला.
या प्रकरणामुळे मालवणमधील शिवसेना–भाजप संघर्ष शिगेला पोहोचला असून राजकीय वातावरण प्रचंड तापले आहे.
Sindhudurg News : मालवण पालिकेच्या निवडणुकीच्या पार्श्वभूमीवर तळकोकणात राजकीय वातावरण चांगलेच तापले असून भाजप प्रदेशाध्यक्ष रवींद्र चव्हाण यांच्यावर एकनाथ शिंदे यांच्या शिवसेनेमध्ये असलेल्या आमदार निलेश राणे यांनी पैसांच्या बॅगाच बॅगा उचरल्याचा आरोप केला होता. तसेच त्यांनी भाजप कार्यकर्ते विजय केनवडेकर यांच्या घरावर धडा टाकत नोटांच्या बंडलांनी भरलेली बॅग समोर आणली होती. यानंतर राज्यभर खळबळ उडाली होती. आता या प्रकरणात त्यांच्या अडचणी वाढल्या असून केनवडेकर यांच्या घरात घुसून धाड टाकल्या प्रकरणी सापडल्याचा त्यांच्यासह कॅमेरा मनवर गुन्हा दाखल करण्यात आला आहे. यानंतर त्यांनी भाजपवर जोरदार टीका करत अशा दबावाला भीक घालणार नसल्याचे ठणकावून सांगितले आहे.
मालवणमध्ये निवडणुकीआधी शिवसेना आणि भाजपमधील संघर्ष शिगेला पोहोचला असून भाजप प्रदेशाध्यक्ष रवींद्र चव्हाण प्रचार सभा घेवून गेल्यानंतर निलेश राणेंनी लाईव्ह व्हिडिओ करत हे स्टिंग ऑपरेनश केले. ज्यात भाजप कार्यकर्ते विजय केनवडेकर यांच्या घरात पैसाने भरलेली बॅग सापडली. ज्यात 25 लाख रूपये असल्याचा दावा निलेश राणे यांनी केला होता.
रवींद्र चव्हाण येवून जाताच अशा पद्धतीने येथील 5 ते 7 घरांमध्ये मतदारांना पैसे वाटत करण्यासाठी बॅगा पोहचतात असाही आरोप निलेश राणेंनी केला होता. तसेच 24 तास उलटले तरी त्या कार्यकर्त्यावर गुन्हा का दाखल झाला नाही असा सवाल केला होता.
दरम्यान आता भाजप कार्यकर्त्यांच्या घरात बेकायदेशीरित्या शिरल्याच्या प्रकरणी निलेश राणेंवर कारवाई करण्यात आली असून केनवडेकरांच्या तक्रारीवरुन गुन्हा दाखल करण्यात आला आहे. त्यांच्यासोबत असलेल्या कॅमेरा मनवर सुद्धा गुन्हा दाखल झालेला आहे.
गुन्हा दाखल झाल्याची माहिती मिळताच निलेश राणे यांनी भाजपकडून निवडणुकीत पैशांचं वाटप केलं जात असून ही निवडणूक जिंकण्यासाठी खालच्या स्तरावर राजकारण केलं जात असल्याचा दावा केला आहे. त्यांनी, भाजपला जर आपण कोठे चुकलो आहे, टोकाचे पाऊल उचलले आहे. तो गुन्हा आहे तर पोलिसांनी कारवाई करावी, त्यावर मी काय भाष्य करणार?
मी फक्त इतकच सांगू शकतो की ज्यांच्या घरी पैसे सापडले ते आज मोकाट आहेत, त्यांना कसलीच नोटील नाही. त्यांच्यावर कसेलच बंधन घातले जात नाही. उलट माझ्यावर अशा पद्धतीने गुन्हा दाखल करून बंधन घातली जात आहेत. यावरूनच आता समोर येत आहे की भाजप कोणत्या स्तरावर ही निवडणूक नेली आहे. पण अशा पद्धतीने किती ही अन्याय केलात, दाबायचा प्रयत्न केलात तरी, आम्ही असल्या दबावाला भीक घालणार नाही. तुम्हाला हवे ते करा... असे म्हटले आहे. तसेच त्यांनी पोलिसांनी अटक करून दाखवावे असेही आव्हान केले आहे.
FAQs :
निलेश राणे यांनी मालवणमध्ये भाजप कार्यकर्त्यांच्या घरी धाड टाकून पैसे वाटपाचे स्टिंग ऑपरेशन केले.
घरात घुसखोरी आणि बेकायदेशीरपणे व्हिडिओ शूट केल्याच्या आरोपावरून त्यांच्या विरोधात गुन्हा दाखल झाला आहे.
भाजप प्रदेशाध्यक्ष रवींद्र चव्हाण यांच्यावरही पैसे वाटपाचे आरोप करण्यात आले आहेत.
मालवणमध्ये शिंदे गटातील शिवसेना आणि भाजप यांच्यात तणाव अत्यंत वाढला आहे.
पोलीस तपासानुसार राणे, त्यांचा कॅमेरामन आणि संबंधित भाजप कार्यकर्त्यावर पुढील कायदेशीर प्रक्रिया होऊ शकते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.