Crime News : दोन अल्पवयीन बहिणींना राजकीय नेत्यांनीच वेश्याव्यवसायात ढकलले? शिंदेंचा विद्यमान अन् भाजपच्या माजी नगरसेवकासह चार जण जेरबंद

Navi Mumbai News : नवी मुंबईतील उलवे परिसरात एका लॉजवर पोलिसांनी केलेल्या धडक कारवाई आजी-माजी नगरसेवकाचे घृणास्पद कृत्य उघड झाले असून यामुळे मानवी तस्करीचे धागे दोरे उघड झाले आहेत. पोलिसांनी केलेल्या कारवाईत अनैतिक व्यवसायाचा पर्दाफाश झाला असून दोन सख्ख्या अल्पवयीन बहिणींना वेश्याव्यवसायात ढकलल्याचे प्रकरण उघड झाले आहे. याप्रकरणात एक महिला दलाल, एक व्यावसायिक आणि एका कंत्राटदाराला पोलिसांनी ताब्यात घेतले आहे.

याबाबत उलवे पोलीस ठाण्याचे पोलीस हवालदार अजिंक्य सुभाष गोसावी यांच्या फिर्यादीवरून गुन्हा दाखल करण्यात आला आहे. पोलिसांनी दिलेल्या माहितीनुसार, १७ जून रोजी सायंकाळी उलवे सेक्टर-१९ येथील 'ला रेसिडेन्सी लॉज'मध्ये ही कारवाई करण्यात आली. यावेळी तेथे दोन अल्पवयीन मुली अल्पवयीन आढळून आल्या. तर या दोन्ही अल्पवयीन मुलींना ग्राहकांसोबत शारीरिक संबंध ठेवण्यासाठी आणल्याचे तपासात उघड झाले.

तर याच तपासात भाजपचा माजी नगरसेवक कुणाल नाईक याने या अल्पवयीन मुलींशी वेश्यागमनासाठी दलाल महिलेशी संपर्क साधले होते. तर लॉज'मध्ये या मुलींवर कुणाल नाईक याच्यासह शिंदेंच्या शिवसेनेचा स्वीकृत नगरसेवक उपेंद्र कोलाडकर, प्रमोद पाटील आणि अच्युत पाटील यांनी अत्याचार केल्याचेही तपासात उघड झाले आहे.

दरम्यान या प्रकरणात चारही आरोपींच्या मुसक्या पोलिसांनी आवळल्या असून या अटकेनंतर आता नवी मुंबईत राजकीय खळबळ उडाली आहे. तर यातील एका पीडित अल्पवयीन मुलीने दिलेल्या जबाबात तिच्या इच्छेविरुद्ध शारीरिक संबंध केल्याचा आरोप केला आहे.

ही कारवाई पोलीस उपायुक्त अमित काळे, सहाय्यक पोलीस आयुक्त किशोर गायकवाड आणि वरिष्ठ पोलीस निरीक्षक अर्जुन राजणे यांच्या मार्गदर्शनाखाली करण्यात आली. पुढील तपास सहाय्यक पोलीस निरीक्षक कृष्णा पाटील करीत असून, न्यायालयाने आरोपींना २४ जूनपर्यंत पोलिस कोठडी सुनावली आहे.