उरण नगर परिषदेच्या सर्वसाधारण सभेत उपनगराध्यक्षपदी रवी भोईर यांची बिनविरोध निवड जाहीर झाली.
उपनगराध्यक्ष पदासाठी भाजपकडून एकमेव उमेदवारी अर्ज दाखल झाल्याने निवड बिनविरोध झाली.
दोन स्वीकृत सदस्यांसाठी कोणतेही नामनिर्देशन न आल्याने त्यांची निवड प्रक्रिया 15 दिवसांत जाहीर होणार आहे.
Uran Politics News : नुकत्याच झालेल्या उरण नगर परिषदेच्या निवडणुकीत भाजपला यश मिळाले असून नगराध्यक्षपदही भाजपने मिळवले आहे. भावना घाणेकर या नगराध्यक्षा व पीठासन अधिकारी म्हणून नियुक्त झाल्या आहेत. यादरम्यान निकालानंतर बुधवारी (ता १४) पहिलीच सर्वसाधारण सभा पार पडली. ज्यात उपनगराध्यक्ष व दोन स्वीकृत सदस्यांच्या निवड करण्यात येणार होती.
मात्र यावेळी भाजप व महाविकास आघाडीने स्वीकृतसाठी नामनिर्देशन पत्रच दाखल केले नाही. त्यामुळे आता निवड पुढे ढकलली आहे. तर बहुमताच्या जोरावर भाजपच्या रवी भोईर यांची बिनविरोध निवड झाल्याने आता भाजपच्या राजकीय खेळीसह राजकीय वर्तुळात वेगवेगळे तर्कवितर्क लढवले जात आहेत.
उरण नगर परिषदेची निवडणुकीच्या निकालानंतर पहिलीच सर्वसाधारण सभा बुधवारी झाली. यावेळी उपनगराध्यक्ष पदासाठी फक्त भाजपकडून रवी भोईर यांचाच एकमेव उमेदवारी अर्ज दाखल झाला. त्यामुळे त्यांची बिनविरोध निवड झाली. याबाबत पीठासन अधिकारी भावना घाणेकर यांनी घोषणा केली.
पण दोन स्वीकृत सदस्यांसाठी जाहीर झालेल्या कार्यक्रमाप्रमाणे ना भाजप आणि ना महाविकास आघाडीने स्वीकृतसाठी नामनिर्देशन पत्र दाखल केले. यामुळे आता हा कार्यक्रम येत्या पंधरा दिवसांत पुन्हा जाहीर करण्यात येईल असे घाणेकर यांनी सांगितले.
दरम्यान आता या उपनगराध्यक्षपदाच्या बिनविरोध निवडीसह स्वीकृत सदस्यांसाठी भाजप आणि मविआने नामनिर्देशन पत्र दाखल न करण्यामागे कोणती तरी राजकीय खेळी असल्याची चर्चा आता येथे रंगली आहे. तसेच याबाबत आता उरणमध्ये राजकीय वर्तुळात तर्कवितर्क लढवले जात आहेत.
यावर मुख्याधिकारी समीर जाधव यांनी, स्वीकृत सदस्यांच्या निवडीचा अजेंडा उशिराने जाहीर झाला असून अटीशर्ती व निकषाप्रमाणे कागदपत्रांची पूर्तता करण्यासाठी कमी अवधी मिळाला आहे. पण निवडीबाबतच्या निकषात बदल झालेला नाही. तरीही भाजप आणि मविआने नामनिर्देशन पत्र दाखल न केल्यानेच हा निर्णय घेतल्याचे मुख्याधिकारी जाधव यांनी स्पष्टीकरण दिले आहे.
दरम्यान स्वीकृत सदस्यपदासाठी नामनिर्देशन पत्र दाखल न करण्यामागे आवश्यक कागदपत्रांची पूर्तता करण्यासाठी अवधी मिळाला नसल्याचे कारण असल्याचे महाविकास आघाडीचे नेते गणेश शिंदे आणि भाजपचे तालुकाध्यक्ष तथा नवनिर्वाचित उपनगराध्यक्ष रवी भोईर यांनी सांगितले आहे.
उरण नगर परिषदेत नगराध्यक्ष व १ सदस्य अशी २१ सदस्य असे एकूण २२ संख्या आहे. यापैकी १२ सदस्य भाजपचे असून महाविकास आघाडीचे ९ सदस्य विजयी झाले आहेत. यामुळे संख्याबळानुसार भाजप व महाविकास आघाडीला प्रत्येकी एक-एक स्वीकृत सदस्य मिळणार आहे. तर बहुमताच्या जोरावर उपनगराध्यक्षपद भाजपकडे गेले आहे. ज्यावर भाजपचे रवी भोईर यांची बिनविरोध निवड झाली आहे.
1. उरण नगर परिषदेचे उपनगराध्यक्ष कोण झाले?
भाजपचे रवी भोईर यांची उपनगराध्यक्षपदी बिनविरोध निवड झाली आहे.
2. ही निवड कधी जाहीर झाली?
बुधवारी (14 तारखेला) झालेल्या सर्वसाधारण सभेत ही निवड जाहीर करण्यात आली.
3. उपनगराध्यक्ष पदासाठी किती उमेदवार होते?
फक्त एकच उमेदवार असल्याने निवड बिनविरोध झाली.
4. स्वीकृत सदस्यांची निवड का झाली नाही?
भाजप व महाविकास आघाडी दोन्हींकडून नामनिर्देशन अर्ज दाखल झाले नाहीत.
5. स्वीकृत सदस्यांची निवड कधी होणार?
येणाऱ्या 15 दिवसांत निवड कार्यक्रम जाहीर केला जाणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.