कर्जत, खोपोली आणि माथेरान नगरपरिषद निवडणुकांच्या पार्श्वभूमीवर शिवसेना-भाजप-आरपीआय युती आणि राष्ट्रवादी यांच्यात थेट सामना सुरू आहे.
शिवसेना आमदार महेंद्र थोरवे यांनी सुनील तटकरे यांच्यावर “पैशांचा माज” असल्याची टीका करत त्यांच्या “डीएनए तपासावा” असा गंभीर आरोप केला.
या वक्तव्यावर सुनील तटकरे यांनी जोरदार पलटवार करत राजकीय वातावरण आणखी तापवले आहे.
Raigad News : राज्यभरात स्थानिक स्वराज्य संस्थांच्या निवडणुकांचा धुराळा उडताना दिसत असून कोकणातही राजकीय वातावरण तापले आहे. येथे एकनाथ शिंदे यांच्या शिवसेनेचे आमदार महेंद्र थोरवे यांनी राष्ट्रवादीचे प्रदेशाध्यक्ष खासदार सुनील तटकरे यांना थेट अंगावर घेत त्यांच्यावर जोरदार टीका केली आहे. तटकरे यांना पैशांचा माज आला असून त्यांनी आधी आपला डीएनए तपासावा, असे म्हटले होते. ज्यावर तटकरे यांनी पलटवार करत जोरदार प्रत्युत्तर दिले आहे.
रायगड जिल्ह्यातील 10 नगरपरिषदांमधील मतदान आता काहीच दिवसांवर आले आहे. निवडणुकीच्या प्रचाराला देखील एकच दिवस उरला आहे. अशातच बहुतांश नगरपालिकेत भाजप-राष्ट्रवादी युती विरुद्ध शिंदेंची शिवसेना अशी लढत होत आहे.
अलिबाग, रोहा, कर्जत आणि माथेरान या चार नगरपरिषदांमध्ये दुरंगी तर मुरुड व पेण नगरपरिषदेत तिरंगी लढती होणार आहेत. उरण आणि श्रीवर्धन नगरपरिषदांमध्ये चौरंगी, महाड नगरपरिषदेत पंचरंगी तर खोपोली नगरपरिषदेत बहुरंगी सामने होत असले तरी खरा सामना हा महायुतीतील मित्र पक्षात असाणार आहे.
अशातच आता प्रचाराच्या तोफा धडधड करत असतानाच महेंद्र थोरवे यांनी सुनील तटकरे यांना लक्ष केलं आहे. त्यांनी जेथे शिवसेना-भाजप आणि आरपीआयची युती आहे तेथे महायुतीचा भगवा फडकेल असा दावा केला आहे. तसेच त्यांनी तटकरे हे सांगतात एक आणि करतात एक असे म्हटले असून त्यांनी असाच प्रयोग विधानसभेवेळी केला होता. जिल्ह्यात महायुती असनाताही तटकरेंनी अपक्ष उमेदवार उभे केले होते. त्यांना छुपा पाठिंबा देऊन शिवसेनेच्या पाठीत खंजीर खुपसण्याचा आम्हाला पाडण्याचा डाव खेळला होता.
हिच त्यांची नीतिमत्ता सुरुवातीपासूनच असून ज्या लोकांना बरोबर घ्यायचं त्यांनाच गरज संपताच पायाखाली घ्यायचं हेच तटकरेंचे राजकीय डावपेच असतात. आताही स्थानिकमध्ये अलायन्स असतानाही त्यांनी राष्ट्रवादी आणि ठाकरेंच्या शिवसेनेशी युती केली. एकीकडे राज्याच्या सत्तेत राहायचं, सत्तेचा मलिदा खायचा आणि दुसरीकडे विरोधकांशी हात मिळवणी करण्याचे काम येथे केलं जात आहे, असा आरोप थोरवे यांनी केला आहे.
पण याचा परिणाम आमच्या महायुतीवर होणार नाही. त्यांना येथील एकही नगरपालिका जिंकता येणार नाही. आमचा विजय नक्की होणार असून तटकरे ज्या पद्धतीने संपूर्ण रायगड जिल्ह्यामध्ये वागत आहेत ते पूर्णपणे चुकीचे आहे. त्यांना पैशाचा माज आलेला आहे. जो रायगडची जनताच उतरवेल अशी थोरवे यांनी टीका केलीय.
या टीकेवर तटकरे यांनी पलटवार करताना, मला जे उत्तर द्यायचं आहे ते मी दिलेलं आहे. यापेक्षा मला अधिक काही बोलायचं नाही. माझा डीएनए समाजकारणाचा आहे, सर्व घटकांशी संवाद ठेवण्याचा आहे. मात्र बाकीच्यांनी त्यांचा डीएनए तपासावा अशा शब्दात तटकरेंनी यांनी महेंद्र थोरवे यांना टोला लगावाला आहे.
तसेच तटकरे यांनी थोरवेंच्या पैशाचा माज या टीकेचाही समाचार घेताना ते अजून बच्चा आहेत. मी 40 वर्षे येथील राजकारणात असून पैशांनी सत्ता आणि राजकारण करता येत नाही. त्यांना हे माहित नाही, असा टोला लगावला आहे. तर थोरवेंसारखी नीच प्रवृत्ती रायगडची जनताच ठेचून काढील अशी टीका माजी आमदार अनिकेत तटकरे यांनी थोरवेंवर केली आहे.
FAQs :
त्यांनी तटकरे “पैशांचा माज” दाखवत असल्याचे म्हटले आणि त्यांच्या “डीएनएचा तपास व्हावा” अशी टीका केली.
तटकरे यांनी पलटवार करत थोरवे यांच्या वक्तव्याची कडक निंदा केली.
शिवसेना-भाजप-आरपीआय अशी युती राष्ट्रवादीविरुद्ध थेट लढत आहे.
थोरवे यांच्या “डीएनए तपासा” या वक्तव्यामुळे राजकीय वातावरणात तणाव वाढला.
दोन्ही पक्षांमध्ये टीका-टिप्पणी, आरोप-प्रत्यारोप वाढत असल्याने निवडणुकीतील स्पर्धा अधिक तीव्र होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.