म्हसळा (रायगड) येथे शिंदे सेना आणि राष्ट्रवादी काँग्रेस कार्यकर्त्यांमध्ये स्वागत रॅलीदरम्यान तणाव निर्माण झाला.
काळे झेंडे, घोषणाबाजी आणि आक्रमक प्रतिक्रिया यामुळे बाजारपेठेत गोंधळ उडाला.
परिस्थिती नियंत्रणात ठेवण्यासाठी मोठा पोलीस बंदोबस्त तैनात करण्यात आला आहे.
Raigad News : स्थानिक स्वराज्य संस्थांच्या निवडणुकीच्या पार्श्वभूमीवर रायगड जिल्ह्यातील राजकारण चांगलेच तापले असून महायुतीत असणारे मित्र पक्ष भाजप आणि एकनाथ शिंदे यांच्या शिवसेनेत आता नाराजी नाट्यासह संघर्षाचा अंकही सुरू झाला आहे. येथील राष्ट्रवादीच्या ताब्यात असणाऱ्या म्हसळा नगरपंचायतीवर भगवा फडकवत मंत्री भरत गोगावले यांनी खासदार सुनील तटकरेंसह मंत्री अदिती तटकरे यांना होमग्राऊंडवरच जोरदार धक्का दिला होता. पण आता हा धक्का राष्ट्रवादीच्या जिव्हाळी लागला असून कार्यकर्त्यांनी गोगावलेंच्या रॅलीवेळी राडा केल्याचे दिसत आहे. यामुळे येथे पुन्हा एकदा शिवसेना-राष्ट्रवादी आमने-सामने येण्याची शक्यता आहे.
राज्याच महायुतीचे सरकार आले असले तरीही येथील पालकमंत्रीपदाचा तिढा अद्याप सुटलेला नाही. यावरूनच एकनाथ शिंदे यांची शिवसेना आणि अजित पवार यांच्या राष्ट्रवादीत दुरावा निर्माण झाला आहे. देन्ही पक्षांमध्ये सध्या धुसफूस होताना दिसत असून एकमेकांवर कुरघोडी केली जात आहे. तसेच एकमेकांचे पक्ष देखील फोडले जात आहेत.
नुकताच गोगावले यांनी म्हसळामध्ये तटकरे यांच्यासह मंत्री आदिती तटकरे यांना त्यांच्या होमपिचवर जोरदार धक्का दिला होता. येथील राष्ट्रवादीच्या ताब्यात असणारी म्हसळा नगरपंचायतीवर भगवा फडकवत नगराध्यक्षासह ९ एक नगरसेवकांना फोडले होते. तर यानंतर तटकरे यांनी जोरदार पलटवार करत येथील शिवसेनेचे सर्वच पदाधिकारी फोडत शिवसेनेचा आपल्या ताब्यात घेण्याची खेळी खेळली होती. यामुळे जिल्ह्यात पुन्हा राष्ट्रवादी आणि शिवसेनेतील वाद चिघळण्याची शक्यता निर्माण झाली होती.
अशातच आता म्हसळा येथे शिवसेना आणि राष्ट्रवादी काँग्रेसच्या कार्यकर्त्यांमध्ये संघर्ष पाहायला मिळाला आहे. येथे राष्ट्रवादी काँग्रेसमधून शिंदे सेनेत प्रवेश केलेल्या नगराध्यक्ष पदाच्या उमेदवाराच्या स्वागत रॅलीदरम्यान हा तणाव निर्माण झाल्याचे समोर आले आहे.
मंत्री भरत गोगावले यांच्या उपस्थितीत काढण्यात आलेल्या या रॅलीला राष्ट्रवादीच्या कार्यकर्त्यांनी काळे झेंडे दाखवले. तसेच जोरदार घोषणाबाजी केली. यामुळे शिवसेनेचे कार्यकर्ते आक्रमक झाले आणि त्यांनीही जोरदार घोषणाबाजी केली.
या संघर्षावेळी 'शिंदे सेनेचा ध्वज वाजव गाजत, आमचा एक भारत शिवाय शांत नाही' अशी घोषणाबाजी करण्यात आली. या रॅलीला काळे झेंडे दाखवल्याच्या घटनेमुळे म्हसळा बाजारपेठेत तणावाचे वातावरण निर्माण झाले असून, परिस्थिती नियंत्रणात ठेवण्यासाठी मोठा पोलीस बंदोबस्त तैनात करण्यात आला आहे.
FAQs :
Q1: म्हसळ्यात संघर्ष कशामुळे झाला?
उ: शिंदे सेना नगराध्यक्ष उमेदवाराच्या स्वागत रॅलीला राष्ट्रवादी कार्यकर्त्यांनी काळे झेंडे दाखवले, त्यातून तणाव वाढला.
Q2: या कार्यक्रमाला कोणते नेते उपस्थित होते?
उ: शिंदे सेनेचे मंत्री भरत गोगावले उपस्थित होते.
Q3: कोणत्या प्रकारची घोषणाबाजी झाली?
उ: “शिंदे सेनेचा ध्वज वाजव…” अशी घोषणा आणि प्रतिघोषणाबाजी करण्यात आली.
Q4: परिस्थिती नियंत्रणात आहे का?
उ: होय, मोठा पोलीस बंदोबस्त तैनात केल्याने परिस्थिती नियंत्रणात आहे.
Q5: हा संघर्ष कोणत्या निवडणुकीसंदर्भात आहे?
उ: स्थानिक स्वराज्य संस्था (पालिका/नगरपालिका) निवडणुकांच्या पार्श्वभूमीवर हा तणाव निर्माण झाला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.