Mahesh Aher rape case arrested : अशोक खरातचा ‘अंधभक्त’ सहायक आयुक्ताला बेड्या; बलात्कार प्रकरणात 15 दिवसांपासून होता पसार

Mahesh Aher Kolhapur arrest : 2020 ते 2023 या कालावधीत शारीरिक छळ, मानसिक त्रास आणि त्यानंतर शीतपेयात गुंगीचे द्रव्य टाकून केलेलं शारीरिक अत्याचाराच्या गुन्ह्यात पसार असलेला ठाणे महापालिकेचा सहायक आयुक्त महेश आहेर याला पोलिसांनी कोल्हापूर इथून अटक केली.

महेश आहेर याने, पीडितेला नाशिक इथल्या अशोक खरात याच्या दरबारात देखील घेऊन गेला होता. त्यामुळे हे प्रकरणामागे खूप काही गंभीर दडल्याची चर्चा आहे.

पीडितेने कासारवडवली पोलिसांकडे तक्रार दाखल केली. यानंतर गुन्हा (Crime) दाखल झाला. गुन्हा दाखल झाल्यापासून सहायक आयुक्त महेश आहेर हा पसार होता. 15 दिवसांपासून पसार असलेल्या महेश आहेर याच्या शोधासाठी ठाणे गुन्हे शाखा पोलिसांची पथके रवाना होती. पण तो सापडत नव्हता.

लैंगिक अत्याचाराच्या गुन्ह्यात पसार असलेला ठाणे महापालिकेचा माजी सहायक आयुक्त महेश आहेर कोल्हापूर पोलिसांनी (Police) गुरूवारी पहाटे नरंदे (ता. हातकणंगले) इथून ताब्यात घेतलं. नरंदे इथल्या एका हॉटेलमध्ये तो लपून बसल्याची माहिती स्थानिक गुन्हे शाखेला मिळाल्यानंतर तिथं छापा मारून त्यांना ताब्यात घेतलं.

महेश आहेर याला आज ठाणे न्यायालयात हजर करण्यात येणार आहे. या प्रकरणात आणखी धक्कादायक बाब म्हणजे, नाशिकमधील भोंदू अशोक खरात याचेही नाव समोर आलं आहे. पीडितेला नाशिक इथं नेऊन अघोरी प्रकार करण्यात आल्याचा आरोपही करण्यात आला आहे.

15 दिवसांपासून फरार

गुन्हा दाखल झाल्यापासून महेश आहेर गायब होता. तपासादरम्यान ठाणे पोलिसांनी त्याच्या घरी आणि इतर संभाव्य ठिकाणांवर छापे टाकले होते, मात्र तो सापडत नव्हता. दरम्यानच्या काळात त्याने अटकेपासून वाचण्यासाठी न्यायालयात अटकपूर्व जामीन अर्जही दाखल केला होता. परंतु नंतर त्याने तो अर्ज मागे घेतला.

नेमके प्रकरण काय?

महेश आहेर याने सहाय्यक आयुक्त पदावर असताना आपल्या अधिकाराचा गैरफायदा घेऊन आपल्यावर जबरदस्तीने अत्याचार केला, असा आरोप पीडितेनं केलेला आहे. एवढंच नव्हे, तर आहेर याने आपल्याला वादग्रस्त भोंदूबाबा अशोक खरात याच्या ऑफिसमध्ये देखील नेलं होतं, असा गंभीर आरोप पीडितेनं केलेला आहे.