Laxman Hake Trouble : लक्ष्मण हाकेंना मोठा दणका, मराठा मुलींच्या लग्नाविषयीचे वादग्रस्त वक्तव्य भोवलं, बीडमध्ये कारवाई

Laxman Hake News: ओबीसी आंदोलक लक्ष्मण हाके हे ठिकठिकाणी सभा घेत हैदराबाद गॅझेट लागू करण्याच्या सरकारच्या जीआरला विरोध करत आहेत. मराठा समाज या गॅझेटच्या माध्यमातून ओबीसीत येत असल्याचे ते सांगत आहे. बीडच्या शृंगारवाडीतील सभेमध्ये बोलताना मराठ्यांना मागसलेपणाचे डोहाळे लागले आहेत. आता तुम्ही ओबीसीमध्ये आला आहेत तर तुमच्या मुलींची लग्न ओबीसी मुलांसोबत लावा, असे त्यांनी म्हटले होते.

हाकेंच्या या वक्तव्यानंतर त्यांच्यावर टीका करण्यात येत होती. दरम्यान, बीडमधील तलवाडा पोलिस ठाण्यात त्यांच्या या वक्तव्यामुळे त्यांच्याविरोधात गुन्हा दाखल करण्यात आला आहे. मराठा समाजाकडून हाकेंविरोधात तलवाडा पोलिस ठाण्यात तक्रार देण्यात आली होती.

मनोज जरांगे पाटील यांनी देखील हाकेंच्या वक्तव्यावर टीका करताना म्हटले होते की, मी आतापर्यंत त्याच्यावर काही बोललो नाही, तुमच्या लेकीबाळींना मी माझ्या लेकीबाळी मानतो. हाकेनी असं बोलूण घाण केली. अजित पवारांचे दोन कार्यकर्ते छगन भुजबळ, धनंजय मुंडे यांच्या हाताखालचा तो कार्यकर्ते आहे. त्यांना जे बोलता येत नाही ते त्यांच्या तोंडून वधून घेतात.

लक्ष्मण हाके नेमकं काय म्हणाले?

मराठा समाजाला उद्देशून हाके म्हणाले, 11 विवाह आपल्यातील आपल्यात करू. तुम्ही आता पाटील, क्षत्रिय राहिले नाहीत. आता तु्म्ही ओबीसी म्हणवून घेता ना. मी नाही म्हणत स्वर्गीय एन डी पाटील म्हणाले होते, लग्न ठरावची वेळ आली की 96 कुळी, क्षत्रिय आणि निवडणूक आली की मागसवर्गीय, ओबीसी होता. अरे चोरानो, मागासलेपणाचे डोहाळे लागलेत तुम्हाला, नंदीबैलासारखे डोलकी घेऊन फिरलाय का कधी?