Laxman Hake Attack Video : मोठी बातमी! लक्ष्मण हाके यांच्यावर हल्ला, गाडी फोडली!

Laxman Hake News : ओबीसी आंदोलक लक्ष्मण हाके यांच्यार अहिल्यानगर जिल्ह्यात हल्ला झाला. पाथर्डी तालुक्यात असलेल्या ओबीसी समाजाच्या मेळाव्यासाठी जात असताना त्यांच्यावर अज्ञात तरुणांनी हल्ला केला. काठ्या घेऊन केलेल्या या हल्ल्यामध्ये हाके यांची गाडी फोडण्यात आली. विशेष म्हणजे हा हल्ला झाला तेव्हा लक्ष्मण हाके यांच्यासोबत पोलिस देखील होते.

अहिल्यानगर मधील बायपास रोडवर सारंगी हॉटेल जवळ हाकेंच्या गाडीवर हल्ला करण्यात आला. अहिल्यानगरमधील पाथर्डी तालुक्यातील दैत्य नांदूर या ठिकाणी ओबीसींची सभा होत आहे. त्या सभेसाठी हाके निघाले होते.

दरम्यान, मनोज जरांगे पाटील यांनी हाकेंचे नाव न घेता स्वतःच्या प्रसिद्धीसाठी स्वतःच्या गाडीवर हल्ला करून घेतली, असे म्हटले आहे.

लक्ष्मण हाके यांनी शुक्रवारी फेसबूकवर पोस्ट करत आपले शत्रू वाढत जात असल्याचे म्हटले होते. त्यानंतर आज त्यांच्यावर हल्ला झाल्याने एकच खळबळ उडाली आहे. त्यांनी आपल्या पोस्टमध्ये म्हटले होते की, मी प्रमाणिकपणे ओबीसींच्या हक्कासाठी भांडतो. एक मेंढपाळाचा मुलगा आहे. मी बॅनर छापू शकत नाही, गाडीला पैसे देऊ शकत नाही. ही माहिती असूनही तुम्ही मला साथ दिली.

आठव्यांदा हल्ला...

लक्ष्मण हाके यांनी मनोज जरांगे पाटील यांच्यावर संताप व्यक्त करताना हा स्टंट वाटतो का? असा सवाल केला. आमच्या आठव्यांदा हल्ला झाला. मराठा समाजाचा नेता म्हणवून घेण्यास या समाजाला लाज वाटत नाही का?