राज्यातील स्थानिक स्वराज्य संस्थांच्या निवडणुका पुढे ढकलण्याची महाविकास आघाडीची मागणी राज्य निवडणूक आयोगाने मान्य करण्याची शक्यता अत्यंत कमी असल्याचे समोर आले आहे. 'निवडणुका पुढे ढकलल्यास सर्वोच्च न्यायालयाच्या आदेशाचा अवमान ठरेल,' असे मत राज्य निवडणूक आयोगातील एका वरिष्ठ अधिकाऱ्याने व्यक्त केले आहे. त्यामुळे आगामी निवडणुका नियोजित वेळेतच होणार असल्याचे संकेत मिळत आहेत. आयोगाच्या या भूमिकेमुळे महाविकास आघाडी आणि मनसेच्या प्रयत्नांवर पाणी फिरणार असल्याचे स्पष्ट झाले आहे.
साम (Saam TV) टीव्हीच्या वृत्तानुसार, सर्वोच्च न्यायालयाने स्थानिक स्वराज्य संस्थांच्या निवडणुका 31 जानेवारी 2026 पर्यंत पूर्ण करण्याचे स्पष्ट आदेश दिले आहेत. हे आदेश पाळणे आयोगासाठी बंधनकारक असल्याने निवडणुका पुढे ढकलण्याचा प्रश्नच निर्माण होत नाही, अशी भूमिका आयोगाने घेतली आहे. निवडणुकीची प्रक्रिया मोठी आणि वेळखाऊ असल्यामुळे टप्प्याटप्प्याने मतदान घेणे आवश्यक आहे, अन्यथा न्यायालयाने दिलेली अंतिम मुदत पूर्ण करणे अशक्य ठरेल, असेही आयोगाने स्पष्ट केले आहे.
निवडणुकीची प्रक्रिया खूप मोठी आणि वेळखाऊ असते. त्यामुळे ही प्रक्रिया टप्प्याटप्प्याने पूर्ण करणे आवश्यक आहे. जर यात विलंब झाला, तर न्यायालयाची अंतिम मुदत पाळणे अशक्य होईल, असे आयोगाने स्पष्ट केले आहे. याचाच अर्थ, आगामी स्थानिक स्वराज्य संस्थांच्या निवडणुका नियोजित वेळेतच होणार असल्याचे संकेत मिळत आहेत.
महाविकास आघाडीने निवडणुका पुढे ढकलण्याची मागणी करण्यामागे मतदार याद्यांमधील गोंधळ हे मुख्य कारण दिले होते. अनेक मतदारांची नावे याद्यांमधून वगळली गेली आहेत, तर काही ठिकाणी नावाची पुनरावृत्ती झाली आहे, असा त्यांचा आरोप आहे. या पार्श्वभूमीवर, निवडणुका घेण्यापूर्वी मतदार याद्यांची पुन्हा तपासणी करण्यात यावी आणि त्यानंतरच मतदान घ्यावे, अशी मविआची मागणी होती.
मात्र, सर्वोच्च न्यायालयाच्या आदेशामुळे आणि निवडणुकीच्या कठोर वेळापत्रकामुळे आयोगाने ही मागणी मान्य करण्यास नकार देण्याची शक्यता आहे. राज्यातील अनेक नगरपरिषद, महानगरपालिका आणि जिल्हा परिषदा यांचा कार्यकाळ संपला आहे. त्यामुळे लवकरच निवडणुकीचा कार्यक्रम जाहीर होण्याची शक्यता वर्तवली जात आहे. आयोगाच्या या भूमिकेमुळे महाविकास आघाडीला मोठा राजकीय धक्का बसला आहे. कारण, निवडणुका लांबणीवर पडाव्यात अशी त्यांची अपेक्षा होती. आता निवडणुका वेळेत झाल्यास सत्ताधारी पक्ष आणि विरोधक यांच्यातील राजकीय संघर्ष अधिकच तीव्र होणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.