Online 7-12 : चिरीमिरीशिवाय मिळणार सात-बाराचा उतारा; तलाठ्याकडे जाण्याची गरज नाही : महाराष्ट्र सरकारचा मोठा निर्णय

Digital Satbara 7/12 News: महसूल विभागाने सातबारा बाबत महत्वाचा निर्णय घेतला आहे. मुख्यमंत्री देवेंद्र फडणवीस यांनी ऐतिहासिक निर्णय घेत आता डिजिटल सातबारा उताऱ्याला कायदेशीर मान्यता मिळाली आहे. डिजिटल सातबारा उताऱ्याला महसूल विभागाने कायदेशीर मान्यता दिली आहे.

राज्यातील सर्व जिल्हाधिकाऱ्यांना याबाबत महसूल मंत्री चंद्रशेखर बावनकुळे यांनी आदेश दिले आहेत. डिजिटल स्वाक्षरी, क्यूआर कोड व १६ अंकी पडताळणी क्रमांकासह असणारे ७/१२, ८-अ आणि फेरफार उतारे सर्व सरकारी, निमसरकारी, बँकिंग, न्यायालयीन कामकाजात कायदेशीर व वैध ठरणार आहे, याबाबत शासनाकडून परिपत्रक प्रसिद्ध केले आहे.

आता पंधरा रुपयांमध्ये अधिकृत डिजिटल सातबारा उतारा मिळणार आहे. या निर्णयात सर्वात महत्वाचे म्हणजे या या सातबारा उताऱ्यावर तलाठ्याची सही आणि स्टॅंपची गरज लागणार नाही. डिजिटल स्वाक्षरी किंवा कोड तसंच सोळा अंकी पडताळणी क्रमांकासह हे सातबारा उपलब्ध होणार आहेत.

यापूर्वी

• सातबारा घेण्यासाठी तलाठी-सज्जाच्या ऑफिसमध्ये फेरफटका माराव्या लागायचा

• काही ठिकाणी चिरीमिरीशिवाय अधिकृत उतारा मिळत नसे

• प्रक्रिया वेळखाऊ आणि त्रासदायक होती

• तलाठ्याची स्वाक्षरी आणि स्टँपची आवश्यकता होती.

आता

• नव्या शासकीय परिपत्रकानुसारः

• डिजिटल 7/12, 8-अ आणि फेरफार उतारे डिजिटल स्वाक्षरीत उपलब्ध होणार

• १६ अंकी पडताळणी क्रमांक + QR कोड असणार

• सर्व शासकीय, बँकिंग आणि न्यायालयीन कामांसाठी कायद्यानुसार वैध असणार

• फक्त १५ रुपये शुल्क देऊन डाउनलोड करता येणार

• तलाठ्याची स्वाक्षरी व स्टॅम्पची गरज नाही

• संपूर्ण प्रक्रिया ऑनलाइन महाभूमी पोर्टलवरून सहज डाउनलोड होणार आहे.

हा निर्णय महत्त्वाचा का?

• ग्रामीण भागातील नागरिकांना यामुळे दिलासा मिळाला आहे.

• वेळ, पैसा आणि ऑफिसचे चकरा वाचणार आहेत.

• एजंट आणि अनावश्यक त्रास संपणार

• अधिकृत कागदपत्र मिळवणे सोपे आणि पारदर्शक होणार

• डिजिटल प्रशासनाचा मोठा टप्पा पार पडणार

डिजिटल ७/12 कसा डाउनलोड कराल?

• महाभूमी पोर्टलवर जा

• digitalsatbara.mahabhumi.gov.in

• → तुमची मालमत्ता निवडा

• → डिजिटल पेमेंट करा

• → आणि त्वरित डिजिटल स्वाक्षरीत 7/12 डाउनलोड करा