Aurangabad News : नुकत्याच झालेल्या मंत्रीमंडळ बैठकीवर छत्रपती संभाजीनगरातील आदर्श पतसंस्था घोटाळ्यात पैसे अडकलेल्या ठेवीदारांनी मोर्चा काढला होता. (Scams News) पोलिसांचे बॅरिकेट तोडत मोर्चा पुढे नेण्याचा प्रयत्न केल्यामुळे पोलिसांना बळाचा वापर करावा लागला होता. तर खासदार इम्तियाज जलील यांनी मंत्र्यांनी निवेदन स्वीकारण्यासाठी यावे, अन्यथा आम्हाला पुढे जाऊ द्यावे, अशी आक्रमक भूमिका घेतली होती.
त्यामुळे आदर्शच्या ठेवीदारांच्या मोर्चाची राज्यभरात चर्चा झाली. (Imtiaz Jalil) आयुष्यभराची, कष्टाची कमाई आदर्शच्या अध्यक्ष व संचालकांच्या भ्रष्ट कारभारामुळे बुडण्याच्या धसक्याने आतापर्यंत अनेकांना मृत्यूने कवटाळले. तर काही ठेवीदारांनी आत्महत्या केल्याचे समोर आले होते. (Scams) या पतसंस्थेत पैसे अडकेलेल्या आणखी एका ठेवीदाराचा हृदयविकाराच्या झटक्याने मृत्यू झाला आहे. विशेष म्हणजे काही दिवसांपुर्वीच श्रीनिवास तोतला यांना भेटण्यासाठी इम्तियाज जलील हे रुग्णालयात गेले होते.
उपचारा दरम्यानच आज त्यांच्या मृत्यू झाला आहे. श्रीनिवास कन्हैयालाल तोतला (वय ७८ वर्षे) यांचे आज निधन झाले. (Marathwada) आदर्श सहकारी पतसंस्थेत त्यांचे १४ लाख रुपये होते. घोटाळा समोर आल्यानंतर तोतला यांना मानसिक धक्का बसला होता. हृदयविकाराचा झटका आल्यामुळे २२ दिवसापासून त्यांच्यावर एमजीएम रुग्णालयात उपचार सुरु होते. अखेर आज सकाळी ९ वाजता त्यांची प्राणज्योत मालवली. आदर्श सहकारी पतसंस्थेत तब्बल २०० कोटींचा घोटाळा उघडकीस आला आहे.
आदर्श घोटाळ्यात तोतला यांचा हा तिसरा बळी आहे. यापूर्वी एकाने आत्महत्या केली होती, तर दुसऱ्याचा ठेव बुडण्याच्या धास्तीने मानसिक तणावातून मृत्यू झाला होता. २२ लाखांची ठेव बुडाल्याच्या भीतीने लाडगाव येथील रामेश्वर नारायण इथर यांनी गळफास घेऊन आत्महत्या केली होती.
तर २७ लाखांची ठेव अडकल्याने मानसिक तणावातून करमाड भागातील भानुदास उकर्डे यांचा मृत्यू झाला होता. दरम्यान, मंत्रींडळ बैठकीवरील मोर्चाला ग्रामविकास मंत्री गिरीश महाजन, सहकार मंत्री दिलीप वळसे पाटील सामोरे गेले होते. त्यांनी दीड महिन्यात ठेवीदारांचे पैसे परत देण्याचे आणि घोटाळ्यातील आरोपींना आठ दिवसांत अटक करण्याचे आश्वासन आंदोलकंना दिले होते.
Edited By : Jagdish Pansare
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.