Pankaja Munde News : पंकजा मुंडेंकडून 'शिवसंग्राम' अन् दिवंगत मेटेंच्या फोटोचा वापर; बीडमध्ये वादाची ठिणगी

Beed News : बीड लोकसभा निवडणुकीत भाजप उमेदवार पंकजा मुंडे यांच्याकडून खोडसाळपणे शिवसंग्रामच्या नावाचा व दिवंगत लोकनेते विनायकराव मेटे यांच्या फोटोचा दुरुपयोग करण्यात येत आहे

'शिवसंग्राम'विषयी मनामध्ये प्रचंड द्वेषाची भावना असलेल्या भाजप उमेदवार पंकजा मुंडे व त्यांच्या टीमने खोडसाळपणे भाजपचा घटक पक्ष म्हणून प्रचार सभेच्या स्टेजवरील बॅनरवर शिवसंग्रामचे नाव टाकले जात आहे. तसेच,दिवंगत लोकनेते विनायक मेटे यांचा फोटो वापरून जनतेत संभ्रम निर्माण केला जात असल्याचा आरोप शिवसंग्रामच्या वतीने करण्यात आला.

महाराष्ट्रभर भाजपकडून शिवसंग्रामचे नाव व फोटो कोठेही वापरण्यात येत नाही. गेल्या निवडणुकीमध्ये महाराष्ट्रभर शिवसंग्राम युतीचा घटक असल्याने फोटो व नाव छापले जात असताना बीडमध्ये भाजपने शिवसंग्रामचे व नाव व फोटो छापले नाहीत. दिवंगत लोकनेते विनायक मेटे Vinayak Mete यांना कायम अनाठायी विरोध केला.

आता मतदारांची सहानुभूती घेण्यासाठी शिवसंग्रामचे नाव टाकले जात आहे. या निवडणुकीत शिवसंग्रामच्या नेत्या डॉ. ज्योती मेटे Jyoti Mete यांनी महाविकास आघाडी कडून निवडणूक लढवण्याचे घोषित केले होते. तेव्हापासून महायुतीच्या नेत्यांनी संभ्रम निर्माण करून डॉ. ज्योती मेटे यांना उमेदवारी मिळू नये, यासाठी कटकारस्थान केल्याचा गंभीर आरोपही केला.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

या लोकसभा निवडणुकीत राज्यपातळीवरून शिवसंग्राम महायुतीचा घटक पक्ष असल्याचा कुठेही उल्लेख नाही. त्यामुळे आज तरी शिवसंग्राम तटस्थ आहे. याबाबत विरोधकांनी मतदारांमध्ये संभ्रम निर्माण करू नये तसेच शिवसंग्रामचे नाव व दिवंगत लोकनेते विनायक मेटे यांच्या फोटोचा वापर करू नये, असे आवाहन शिवसंग्रामचे जिल्हाध्यक्ष नारायण काशीद यांनी केले.

(Edited By Deepak Kulkarni)

R