धनंजय मुंडे यांनी दवाखान्याचे बिल सार्वजनिक करत वाद पुन्हा चिघळवला.
दिपक देशमुखांनी थेट आव्हान देत “समोरा समोर या” असे म्हणत संघर्ष उभा केला.
या प्रकरणामुळे परळीचे राजकारण पुन्हा तापले असून चर्चा शिगेला पोहोचली आहे.
Local Body Election News : धनंजय मुंडेंना पक्षाने स्टार प्रचारक म्हणून नेमले. मात्र, ते परळीतल्या गल्लीबोळात सभा घेणारे स्टार प्रचारक झाल्याचा टोला माजी नगराध्यक्ष दिपक देशमुख यांनी लगावला आहे. लहान लेकरासारखं तुझ्या चार गोट्या आणि माझ्या चार गोट्या असं ते करत असल्याचे सांगत त्यांनी खिल्ली उडवली.
परळी नगर पालिकेच्या निवडणुकीत धुमश्‍शान सुरु आहे. मंत्री पंकजा मुंडे व माजी मंत्री धनंजय मुंडे यांनी एकत्र येत शिवसेनेसोबत महायुतीचा पॅनल उभारला आहे. त्यांचे अनेक वर्षे सहकारी राहीलेले दिपक देशमुख यांना फोडून खासदार बजरंग सोनवणे यांनी दिपक देशमुख यांच्या पत्नी संध्या देशमुख यांना राष्ट्रवादी काँग्रेसकडून नगराध्यक्षपदाची उमेदवारी दिली.
त्यामुळे देशमुख विरुद्ध पद्मश्री धर्माधिकारी असा निवडणुकीचा सामना असला तरी आरोप - प्रत्यारोपचा खरा सामना धनंजय मुंडे विरुद्ध दिपक देशमुख असा रंगला आहे. परळीकरांना धनंजय मुंडे भावनिक आवाहन करत आहेत. अशाच एका सभेत दीपक देशमुख यांच्या अपघातानंतर दवाखान्याचे बिल भरले अशी आठवण मुंडेंनी दिली.
यावर देशमुख यांनी देखील मुंडेंचा सगळा कच्चाचिठ्ठा काढला. पक्षाने धनंजय मुंडे यांना स्टार प्रचारक केले. पण, त्यांना राज्यात कोणीच सभेला बोलावीत नाही. त्यामुळे ते परळीच्या गल्ली बोळाचे स्टार प्रचारक झाल्याचा टोला लगावला. एकेकळली परळीत धनंजय मुंडे यांची काहीच प्रॉपर्टी नव्हती तेव्हा आपण आपल्या बाप दादाच्या प्रॉपर्टीच्या माध्यमातून हिस्सेदार केले, गोदाम बांधणीचे चार कोटी रुपये त्यांना दिले, मात्र त्यांनी हे पैसे 30 वर्षे दिले नाहीत.
परळीचा चौकात समोरा समोर बसून बोलू कोणी कोणासाठी काय केले? असे आव्हान देशमुख यांनी दिले. अनेक कार्यकर्त्यांनी मुंडेंसाठी जमिनी विकल्या. आता मुंडे लहान लेकरं जसे तुझ्या चार गोट्या आणि माझ्या चार गोट्या म्हणतात तसं करत आहेत. पण, त्यांनी माझ्या दवाखान्यासाठी पैसे दिल्याचा पुरावा दिला तर राजकारण सोडू, असे आव्हान देखील दीपक देशमुख यांनी दिले.
एकूणच परळी नगरपालिकेचा प्रचार अंतिम टप्प्यात आता वैयक्तिक टीका, आरोप-प्रत्यारोपांवर आला आहे. दवाखान्याचे बील काढल्याने दिपक देशमुख संतापले आणि त्यांनी धनंजय मुंडे यांना गल्लीबोळातला स्टार प्रचारक म्हणून हिणवले. परळी नगरपालिका निवडणुकीत धनंजय मुंडे विरुद्ध दिपक देशमुख यांच्या थेट फाईट आहे. या निवडणुकीकडे संपूर्ण राज्याचे लक्ष लागले आहे.
1. वादाची सुरुवात कशामुळे झाली?
धनंजय मुंडे यांनी दवाखान्याचे बील दाखवत प्रतिक्रिया दिल्यामुळे वाद चिघळला.
2. दिपक देशमुखांनी काय प्रतिक्रिया दिली?
त्यांनी मुंडेंना थेट समोर येण्याचे आव्हान दिले.
3. या वादाचा राजकीय परिणाम काय होऊ शकतो?
परळी क्षेत्रातील निवडणूक समीकरणांवर मोठा प्रभाव पडू शकतो.
4. हा वाद कोणत्या ठिकाणी घडला?
बीड व मराठवाडा राजकारणाच्या पार्श्वभूमीवर.
5. हा मुद्दा सोशल मीडियावर का व्हायरल झाला?
दोन्ही नेत्यांच्या तीव्र वक्तव्यांमुळे चर्चेचा विषय बनला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.