Dhananjay Munde : 'ही निवडणूक खूप महत्त्वाची, काहीजण माझं राजकारण नव्हे तर मलाच...'; धनंजय मुंडेंचं परळीकरांना भावनिक आवाहन

, Parli municipal election : 'विधानसभा निवडणुकी दरम्यान जे वातावरण होतं, तेच वातावरण आताच्या निवडणुकीत आहे. मी माझी जबाबदारी नेहमीच बजावली आहे. नगरपरिषदेकडून मला आयटीआय सुरू करायचं असून यामुळे रोजगाराला मदत होईल. मी नेहमीच तुमच्या कामाला आलो आहे.'
Dhananjay Munde
Dhananjay Munde addressing a public rally in Parli during the ongoing municipal election campaign. The NCP leader made an emotional appeal to voters, emphasizing Parli election issues.Sarkarnama
Published on
Updated on

Parli News, 30 Nov : सध्या स्थानिक स्वराज्य संस्थांच्या निवडणुकीसाठी प्रचाराचा जोरदार धडाका सुरू आहे. मतदारांना आकर्षित करण्यासाठी राजकीय नेते अनेक प्रयत्न करत आहेत. कोणी भरमसाठ आश्वासन देत आहेत. तर कोणी भावनिक आवाहन करत आहेत.

अशातच आता परळी नगर परिषद निवडणुकीसाठीच्या प्रचार सभेत बोलताना अजित पवारांच्या राष्ट्रवादीचे आमदार तथा माजी मंत्री धनंजय मुंडे यांनी देखील परळीतील मतदारांना भावनिक आवाहन केलं आहे.

नगरपरिषद निवडणूक आपल्यासाठी महत्त्वाची आहे. कारण आता फक्त माझं राजकारणच नाही तर काहीजण मलाच संपायच्या मागे लागले आहेत. त्यामुळे अशा वेळेला तुम्ही माझ्यासोबत राहणार की माझी साथ सोडणार? असा सवाल करत ज्या लोकांनी परळीला बदनाम केले त्या लोकांना उत्तर देण्यासाठीची ही निवडणूक आहे.

Dhananjay Munde
Malshiras Politics : 'विधानसभेला राम सातपुतेंचं काम करण्यासाठी 50 कोटींची ऑफर, थेट फडणवीसांसोबत मिटिंग...', मोहिते पाटलांचा खळबळजनक गौप्यस्फोट

त्यामुळे कोणतीही गडबड करू नका, असं म्हणत मुंडेंनी मतदारांना आपल्यासोबत राहण्याचं आवाहन केलं. बरकतनगर येथील प्रचार सभेत बोलताना धनंजय मुंडे म्हणाले, 'विधानसभा निवडणुकी दरम्यान जे वातावरण होतं, तेच वातावरण आताच्या निवडणुकीत आहे. मी माझी जबाबदारी नेहमीच बजावली आहे. नगरपरिषदेकडून मला आयटीआय सुरू करायचं असून यामुळे रोजगाराला मदत होईल.

मी नेहमीच तुमच्या कामाला आलो आहे. तुम्ही माझ्याकडे एखांद काम घेऊन आलात आणि रिकाम्या हाताने परत गेलात, असं कधीच झालेलं नाही. त्यामुळे तुमचं मत वाया जाऊ देऊ नका. आता फक्त माझं राजकारणच नाही तर मलाच संपायच्या मागे लागलेत.

Dhananjay Munde
Maharashtra News: रामदास आठवलेंनी बोलता बोलता काढली महायुतीचीच 'विकेट'; म्हणाले, निवडणुकीमध्ये विरोधीपक्ष होणार आहे नंगा,म्हणूनच...

अशा वेळेला तुम्ही माझ्यासोबत राहणार की माझी साथ सोडणार? ज्या लोकांनी परळीला बदनाम केले त्या लोकांना उत्तर देण्यासाठी ही निवडणूक आहे. मी काम करण्याच्या लायक राहिलो नाही तुमचे काम कोण करणार? त्यामुळे आता कोणतीही गडबड करू नका.', असं धनंजय मुंडे आपल्या भाषणात म्हणाले.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com