धाराशिव नगरपालिकेतील तीन जागांसाठी मतदानाची तारीख घोषित केली गेली आहे.
मतदान 20 डिसेंबर रोजी होणार असून सर्व पक्षांनी तयारी सुरू केली आहे.
या मतदानामुळे धाराशिवमधील राजकीय समीकरणात मोठा बदल होण्याची शक्यता वर्तवली जात आहे.
Marathwada News : धाराशिव नगरपालिकेतील स्थगित केल्या गेलेल्या प्रभाग क्रमांक दोन अ, सात ब आणि 14 ब या तीन जागांसाठी सुधारित निवडणूक कार्यक्रम जाहीर करण्यात आला आहे. या जागांसाठी आता 20 डिसेंबर रोजी मतदान प्रक्रिया पार पडणार आहे. तर उर्वरित जागांचे मतदान नियोजित वेळेप्रमाणे मंगळवारी (ता.2) होणार आहे.
निवडणूक निर्णय अधिकाऱ्यांनी उमेदवारी अर्ज छाननीनंतर दिलेल्या निर्णयाविरोधात काही उमेदवारांनी जिल्हा न्यायालयात अपील दाखल केले होते. दरम्यान, न्यायालयाचा निकाल उशिराने लागले. तरीही निवडणूक निर्णय अधिकाऱ्यांनी उमेदवारांना अर्ज मागे घेण्यासाठी पुरेसा वेळ न देताच 26 नोव्हेंबरला चिन्ह वाटप केले.
ही प्रक्रिया नियमबाह्य ठरवित राज्य निवडणूक आयोगाने या जागांची निवडणूक प्रक्रिया स्थगित केली होती. त्यामुळे या तीन जागांचे मतदान कधी होणार, याची उत्सुकता नागरिकांसह उमेदवारांमध्ये होती. तसेच इतर जागांवर होत असलेल्या मतदानाची मतमोजणी नियोजित दिवशी होणार का, असाही प्रश्न नागरिकांमध्ये होता.
आता संबंधित तीन जागांवर नवीन निवडणूक कार्यक्रम जाहीर झाल्याने हा प्रश्न मार्गी लागला आहे. न्यायालयात प्रलंबित असलेल्या प्रकरणांमुळे रोखली गेलेली निवडणूक प्रक्रियेबाबत नगरपरिषद व नगरपंचायतींच्या सार्वत्रिक निवडणुकांसाठी राज्य निवडणूक आयोगाने सुधारित वेळापत्रक प्रसिद्ध केले आहे.
त्यानुसार जिल्हाधिकारी 4 डिसेंबर रोजी निवडणूक कार्यक्रम जाहीर करतील. उमेदवारी अर्ज मागे घेण्याची अंतिम मुदत 10 डिसेंबर रोजी दुपारी 3 वाजेपर्यंत असेल. 11 डिसेंबरपर्यंत निवडणूक चिन्ह वाटप व अंतिम उमेदवारांची यादी जाहीर होईल. तर 20 डिसेंबर रोजी सकाळी साडेसात ते सायंकाळी साडेपाच वाजेदरम्यान मतदान घेता येईल. तसेच मतमोजणी व निकाल मतदानानंतर लगेच दुसऱ्या दिवशी म्हणजे 21 डिसेंबर रोजी लागेल.
सुधारित निवडणूक कार्यक्रमानुसार संबंधित प्रभागासाठी आचारसंहिता लागू झाली असून, ती निकाल जाहीर होईपर्यंत अमलात राहील, असे राज्य निवडणूक आयोगाने आदेशात नमूद केले आहे. निवडणूक आयोगासोबत बैठक सुरू आहे. उर्वरित जागांसाठी होत असलेल्या निवडणुकीची मतमोजणी नियोजित दिवशीच होईल, अशी स्थिती सध्या तरी आहे. निवडणूक आयोगाकडून नवीन काही निर्देश मिळालेच तर ते कळविण्यात येतील, असे सहायक निवडणूक निर्णय अधिकारी नीता अंधारे यांनी सांगितले.
1. मतदान कोणत्या दिवशी होणार आहे?
२० डिसेंबर रोजी मतदान होणार आहे.
2. धाराशिव नगरपालिकेत किती जागांवर मतदान होणार आहे?
तीन जागांवर मतदान होणार आहे.
3. ही उप-निवडणूक का होत आहे?
काही जागांवरी उमेदवारांचे अर्ज बाद केल्यानंतर ते न्यायालयात गेले होते, न्यायालयाच्या आदेशानूसार उपनिवडणूक जाहीर झाली.
4. या मतदानाचा राजकीय परिणाम काय असेल?
धाराशिवमधील सत्ताबदल आणि राजकीय समीकरणांमध्ये बदल होऊ शकतो.
5. कोणत्या पक्षांमध्ये मुख्य मुकाबला असेल?
महायुती आणि महाविकास आघाडीमध्ये थेट संघर्ष अपेक्षित आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.