बीड जिल्ह्याच्या शिरुर तालुक्यात जागेच्या वादातून सतीश भोसले यांच्या कुटुंबावर प्राणघातक हल्ला झाला आहे.
या हल्ल्यात चार महिला गंभीर जखमी झाल्या असून त्यांना तातडीने रुग्णालयात दाखल करण्यात आले आहे.
पोलिसांनी गुन्हा दाखल करून आरोपींचा शोध सुरू केला आहे; गावात तणावपूर्ण परिस्थिती आहे.
Beed Crime News : सतीश भोसले उर्फ खोक्याच्या शिरूर तालुक्यातील तहसील कार्यालयाजवळ असलेल्या गायरान वस्तीवर काल मध्यरात्री दहा ते पंधरा जणांच्या टोळक्याने हल्ला चढवला. वारंवार सांगूनही जागा खाली का करत नाही? असे म्हणत या टोळक्याने खोक्याच्या कुटुंबीयांवर कुऱ्हाडी, कोयते, दांडक्याने हल्ला चढवत महिलांना अमानुष मारहाण केली.
या प्राणघातक हल्ल्यात सतीश भोसले उर्फ खोक्याच्या कुटुंबातील चार महिला जखमी झाल्या असून एका महिलेची प्रकृती गंभीर असल्याचे सांगितले जाते. काल रात्री साडेअकरा वाजता दहा ते पंधरा जणांकडून हा हल्ला (Attack) झाल्याचे बोलले जाते. मारहाण न करण्याची विनवणी करत असतानाही या महिलांच्या डोक्यावर, पाठीत आणि पायावर हल्लेखोरांनी कोयते, कुऱ्हाडी आणि दांडक्याने हल्ला चढवला.
रक्तबंबाळ झालेल्या महिलांनी शिरुर पोलीस ठाणे गाठत या प्रकरणाची तक्रार दिली. पोलिसांनी घटनेचे गांभीर्य लक्षात घेऊन जखमी महिलांना तातडीने बीडच्या (Beed News) शासकीय जिल्हा रुग्णालयात उपचारासाठी दाखल केले. त्यांच्यावर तिथे प्राथमिक उपचार सुरू आहेत. हल्ल्यात जखमी झालेल्या चार महिलांपैकी एका महिलेचे प्रकृती गंभीर आहे.
पोलिसांनी दिलेल्या माहितीनुसार अनेक वेळा सांगूनही खोक्याचे कुटुंब राहती जागा सोडत नव्हते. त्यामुळे पंधरा ते वीस जणांनी याचा जाब विचारत हल्ला चढवला. या घटनेनंतर परिसरात दहशतीचे वातावरण असून शिरूर पोलिसांनी आरोपींचा शोध सुरू केला आहे. जखमींमध्ये खोक्याची पत्नी, भाची, बहिणीचा समावेश आहे.
खोक्या जामिनावर, तरी कुटुंबावर हल्ला..
बुलढाणा जिल्ह्यातील कैलास वाघ या तरुणाला बॅटने बेदम मारहाण करतानाचा सतीश उर्फ खोक्या भोसले चा व्हिडिओ सोशल मीडियावर काही महिन्यांपूर्वी व्हायरल झाला होता. त्यानंतर खोक्यावर कारवाईसाठी शिरूर आणि परिसरात आंदोलन करण्यात आले होते. काही दिवस फरार राहिलेला खोक्या गुन्हा दाखल झाल्यानंतर अचानक पोलिसांना शरण आला होता. या प्रकरणात तुरुंगात असलेल्या खोक्याला नुकताच बीड न्यायालयाने जामीन मंजूर केला.
खोक्या जामिनावर असताना त्याच्याच कुटुंबावर जीवघेणा हल्ला झाल्याने एकच खळबळ उडाली आहे. हल्लेखोरांना लवकरच अटक केली जाईल, असे आश्वासन शिरूर पोलिसांनी दिले आहे. याला प्रकरणी अज्ञात दहा ते पंधरा जणांवर गुन्हा दाखल करण्यात आला असून शिरूर पोलीस आरोपींचा कसून शोध घेत आहे. दरम्यान, हल्लेखोर तुम्हाला वारंवार सांगून तुम्ही, जागा का सोडत नाही? आम्ही तुझ्या नवऱ्याला जेलमध्ये पाठवलं, तुम्ही गावातून निघून जा, असे सांगत होते, अशी माहिती खोक्याच्या पत्नीने दिली.
Q1. ही घटना कुठे घडली?
➡️ ही घटना बीड जिल्ह्यातील शिरुर तालुक्यात घडली आहे.
Q2. हल्ल्याचं कारण काय होतं?
➡️ जमिनीच्या वादातून हा प्राणघातक हल्ला करण्यात आल्याचं प्राथमिक माहितीवरून समजते.
Q3. किती जण जखमी झाले आहेत?
➡️ चार महिला गंभीर जखमी झाल्या असून त्यांच्यावर रुग्णालयात उपचार सुरू आहेत.
Q4. पोलिसांनी काय कारवाई केली आहे?
➡️ पोलिसांनी गुन्हा नोंदवून आरोपींवर शोधमोहीम सुरू केली आहे.
Q5. सध्या गावातील परिस्थिती कशी आहे?
➡️ घटनेनंतर गावात तणावाचे वातावरण आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.