Laxman Hake : ...तर महायुतीला मतदान करा; लक्ष्मण हाके महायुतीसाठी थेट मैदानात ...पाहा VIDEO

Jalna News : ओबीसी आरक्षणासाठी लढा उभारणारे नेते लक्ष्मण हाके यांनी महायुतीच्या बाजूने भूमिका घेत थेट मैदानात उतरले आहेत.

"ज्या ठिकाणी आमचे उमेदवार आहेत, वंचितचे उमेदवार आहेत तेथे ओबीसी मतदारांनी त्यांना मतदान करावे. ज्या ठिकाणी आमचे उमेदवार नाहीत, त्या ठिकाणी दगडापेक्षा वीट या युक्तीप्रमाणे महायुतीला ओबीसींनी मतदान करावे", असे लक्ष्मण हाके यांनी म्हटले आहे.

ओबीसी आरक्षण वाचवण्यासाठी संघर्ष करणारे आंदोलक लक्ष्मण हाके यांनी जालना इथं पत्रकार परिषद घेतली. यावेळी त्यांनी ओबीसी मतदारांना आवाहन केले. जिथं आपले आणि वंचितचे उमेदवार आहेत, तिथं थेट मतदान करा. जिथं दोघंही नाही, तिथं महायुतीच्या उमेदवाराला मतदान करा, असे सांगून महायुतीला (Mahayuti) पाठिंबा असल्याचे लक्ष्मण हाके यांनी जाहीर केले.

लक्ष्मण हाके म्हणाले, "ज्या आमदारांनी मनोज जरांगे यांना मराठा आरक्षणाला (Maratha reservation) पाठिंबा असल्याचे लेखी पत्र दिले, त्यांना ओबीसी भटक्या विमुक्त जातींमधील मतदारांना पाठिंबा देऊ नये. त्या आमदारांनी मागील पाच वर्षात काय केले ? याचा जाब विचारावा, असे आवाहन केले".

जरांगेंमुळे ओबीसी आणि मराठा द्वेष

'महायुती सरकारने मराठा समाजाला दहा टक्के आरक्षण दिले. मोदी सरकारने घटनादुरुस्ती करून ईडब्ल्यूएसमध्ये दहा टक्के आरक्षण दिले. परंतु, हे दोन्ही आरक्षण मनोज जरांगे यांना मान्य नाही. मराठा समाजाला ओबीसीमधूनच आरक्षण हवे, असे मनोज जरांगे यांची मागणी आहे. त्यामुळे गावाकडे ओबीसी आणि मराठा, असा द्वेष निर्माण झाला आहे. हा द्वेष निवडणुकीत दिसून येत आहे', असा घणाघात लक्ष्मण हाके यांनी केला.

भुजबळांच्या मतदारसंघात जरांगेची सभा

लक्ष्मण हाके यांनी मनोज जरांगे हे शरद पवार यांनी दिलेल्या स्क्रिप्टनुसार काम करत आहेत. त्यामुळे 288 मतदारसंघांपैकी केवळ ओबीसी नेते छगन भुजबळ यांच्या येवला मतदार संघात जाऊन मनोज जरांगे यांनी सभा घेतली. विधानसभ परिषदेत ओबीसीची बाजू मांडण्यासाठी या निवडणुकीत किमान 20 ते 25 ओबीसी आमदार आम्ही निवडून देणार आहोत, असे सांगितले. ज्या ठिकाणी आमचे उमेदवार आहेत, त्या ठिकाणी ओबीसी समाज आपली ताकद मतदानाच्या रूपात दाखवणार आहे, असेही हाके यांनी म्हटले.