Devabhau false statement controversy: मुसळधार पावसामुळे राज्यातील शेतकऱ्यांचे अतोनात नुकसान झाले आहे. ओला दुष्काळ जाहीर करण्याच्या मागणीने जोर धरला आहे. पण अद्याप महायुती सरकारने याबाबत निर्णय घेतलेला नाही.
यावरुन राष्ट्रवादी काँग्रेस शरदचंद्र पवार पक्षाचे नेते, आमदार रोहित पवार यांनी मुख्यमंत्री देवेंद्र फडणवीस यांच्यावर हल्लाबोल केला आहे. निलंगा तालुक्यातील लिंबाळा येथे अतिवृष्टी भागाचा पाहणी दौरा गुरूवारी ता. दोन रोजी आमदार रोहित पवार यांनी केला याप्रसंगी ते बोलत होते.
मराठवाड्यात मोठ्या प्रमाणात झालेल्या अतिवृष्टी मुळे व महापुरामुळे शेतकऱ्याचे मोठे नुकसान झाले आहे. तुम्ही विरोधी पक्ष नेता असताना ओला दुष्काळ जाहीर करा म्हणून बोललात पत्र दिले मग आता काय बदल बोलत आहात असा सवाल मुख्यमंत्री देवेंद्र फडणीस यांना रोहित पवारांनी केला आहे.
"सत्तेत आल्यानंतर एक भाषा विरोधी पक्ष नेता असताना वेगळी भाषा, किती खोटं बोलताय हे जनतेला सांगून टाका. शेतकऱ्यांना 13 तारखेपर्यंत भरीव मदत करा, अन्यथा श्वास घेणेही मुश्किल करून टाकू," असा इशारा आमदार रोहित पवार यांनी दिला.
दौऱ्यात अनेक शेतकऱ्यांनी आमदार रोहित पवार यांच्यासमोर अतिवृष्टी व महापुरामुळे नुकसान झालेल्या पिकाबाबत व्यथा सांगितली. आता आमचं शेत रब्बी पेरायलाही येत नाही..खरीप हंगाम गेला रब्बी हंगाम गेला आम्ही जगावं कसं...सगळे मातीत वाहून गेलीय.. खरीप हंगामातील पिकाचा चिखल झाला आहे, अशी निराशाजनक प्रतिक्रिया अनेक शेतकऱ्यांनी आमदार रोहित पवारांच्या समोर मांडल्या.
अतिवृष्टी व महापुराने मोठ्या प्रमाणात शेती पिकाची नुकसान झाले आहे. शेतकऱ्यांना सरसकट पन्नास हजार रुपये द्या कर्जमाफी करण्याची हीच वेळ आहे कर्जमाफी करा... ओला दुष्काळ जाहीर करा.. मजुरांना आर्थिक मदत करा, काल व आज मी 40 गावामध्ये गेलो आहे वडिलांकडे पैसे नाहीत शाळेची फी कशी भरायची असा प्रश्न विद्यार्थी विचारत आहेत. शेतकऱ्याकडे बियाणाला पैसा नाही, यासाठी वेगळे अनुदान देऊन कर्जमाफी करावीच लागेल, अशी मागणी त्यांनी यावेळी केली.
सध्याचे मुख्यमंत्री देवेंद्र फडणवीस विरोधी पक्ष नेते असताना अनेक वेळा ओला दुष्काळ जाहीर करा म्हणून मागणी केली, पत्र दिले परंतु आता सध्या ते मुख्यमंत्री आहेत त्यावेळी एक बोलले आणि आता एक बोलत आहेत.
म्हणून त्यावेळी मी खोटं बोललो आता खोटं बोलतोय एक वेळ जनतेला सांगून टाका.. शेतकऱ्यांची चेष्टा करू नका असा टोला त्यांनी यावेळी लगावला. 13 ऑक्टोबरपर्यंत मराठवाड्यातील शेतकऱ्यांसाठी जो काही निर्णय घ्यायचा आहे तो घ्या श्वास घेणे मुश्किल करून टाकू असा इशारा आमदार रोहित पवार यांनी दिला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.