Vinod Patil : विनोद पाटलांची मोठी घोषणा; छत्रपती संभाजीनगरमधून लोकसभा लढवणार

Chhatrapati Sambhaji Nagar News :

Maratha Reservation याचिकाकर्ते विनोद पाटील यांनी लोकसभा निवडणूक लढवणार असल्याची घोषणा केली आहे. आपण छत्रपती संभाजीनगर लोकसभा मतदारसंघातून निवडणूक लढवणार असल्याचे विनोद पाटील यांनी जाहीर केले आहे.

लोकसभा निवडणूक लढवण्याचा निर्णय घेतला असला तरी अद्याप कोणत्याही पक्षाशी आमचं बोलणं झालेलं नाही. जो योग्य वाटेल त्या पक्षाकडून आम्ही निवडणूक लढू किंवा समाज म्हटला तर अपक्षही लढण्याची तयारी असल्याचे त्यांनी विनोद पाटील यांनी स्पष्ट केले आहे.

आग्रा येथे साजरी केलेल्या सार्वजनिक शिवजयंतीनंतर शहरात सर्वपक्षीय कार्यकर्त्यांनी सत्कार मेळावा ठेवला होता. या वेळी विनोद पाटील यांनी ही घोषणा केली.

दरम्यान, मराठा आरक्षणाची न्यायालयीन लढाई संपल्यावर निवडणूक लढवणार असल्याचे काही दिवसांपूर्वीच बोललो होतो. त्यामुळे हा निर्णय घेतला असल्याचेही ते म्हणाले.

R