Marathwada : मोदींनी आधी सीमा प्रश्नावर भूमिका स्पष्ट करावी, मग समृद्धी महामार्गाचे लोकार्पण ..

Uddhav Thackeray News : पंतप्रधान नरेंद्र मोदी हे समृद्धी माहामार्गाच्या लोकार्पण सोहळ्यासाठी येत आहेत. PM Modi मात्र, मोदी यांनी महाराष्ट्र कर्नाटक सीमा प्रश्नावर आपली स्पष्ट भूमिका जाहीर करावी, त्यानंतर हिंदुहृदयसम्राट बाळासाहेब ठाकरे समृद्धी महामार्गाचे लोकार्पण करावे, असे आवाहन शिवसेना पक्षप्रमुख माजी मुख्यमंत्री उद्धव ठाकरे यांनी केले .

जालना जिल्ह्यातील घनसावंगी येथेआयोजित ४२ वे मराठवाडा साहित्य संमेलनाचे उद्घाटन शनिवारी (ता.११) त्यांच्या हस्ते झाले. (Uddhav Thackeray) ठाकरे म्हणाले की, महाराष्ट्र हे देशाला शिकवण देणारे राज्य आहे. (Shivsena) सुरवातीपासून महाराष्ट्रच्या सीमा प्रश्नावर शिवसेनेची भूमिका स्पष्ट आहे. याच सीमा प्रश्नावर बाळासाहेब ठाकरे तीन महिने तुरुंगात गेले होते.

आज कर्नाटक सीमा भागात मराठी माणसावर अन्य होत असताना रविवारी (ता.११) पंतप्रधान नरेंद्र मोदी हे महाराष्ट्रात येत असून हिंदुहृदयसम्राट बाळासाहेब ठाकरे समृद्धी महामार्गाचे लोकार्पण करणार आहेत. पंतप्रधान हे देशाचे पालक आहे, पण महाराष्ट्र हा पालकाची भाजी नाही, हे लक्षात ठेवा.

त्यामुळे पंतप्रधान नरेंद्र मोदी यांनी आधी महाराष्ट्र कर्नाटक सीमा प्रश्नावर आपली भूमिका स्पष्ट करावी, त्यानंतर हिंदुहृदयसम्राट बाळासाहेब ठाकरे समृद्धी महामार्गाचे लोकार्पण करावे. ठाकरे यांनी राज्यपाल भगतसिंह कोश्यारी यांनी महापुरुषां संदर्भात केलेल्या व्यकतव्यावरही टीका केली.