"लाईन तोडू नका, नाहीतर मी रट्टे द्यायला लावीन.." संतोष बांगरांची दमदाटी...

Santosh Bangar: हिंगोली जिल्ह्यातील कळमनुरी विधानसभा मतदारसंघाचे शिंदे गटाचे आमदार संतोष बांगर यांनी महावितरणच्या कर्मचाऱ्यांना दमदाटी केली आहे. त्यांनी दमदाटी केलेला व्हिडिओ सध्या चांगलाच सोशल मीडियावर व्हायरलं झाला आहे. (MLA Santosh Bangar, Hingoli Latest News)

इकडची लाईन तोडू नका, अन्यथा रट्टे द्यायला लावीन, असा इशारा बांगरांनी (Santosh Bangar) दिला आहे. कृषी पंपांच्या थकीत बिलांमुळे महावितरणच्या कर्मचाऱ्यांनी वीज कापण्यात आल्याची चर्चा आहे. त्यामुळे बांगर संतापले आणि त्यांनी दमदाटी केल्याचे समजते.

बांगर हे अशाच काही गोष्टीमुळे सातत्याने चर्चेत असतात. यापूर्वी देखील कामगारांना मध्यान्ह भोजन पुरवणाऱ्या एका हॉटेलची पाहणी करतांना अन्नाचा निकृष्ट दर्जा पाहून बांगरांनी उपहागृह व्यवस्थापकाच्या कानशिलातच लगावल्या होत्या. त्यामुळे त्याच्यावर महाविकास आघाडीच्या नेत्यांनी चांगलीच टीका केली होती. यावरून त्यावेळी त्यांना मुख्यमंत्री एकनाथ शिंदे (Eknath Shinde) आणि उपमुख्यमंत्री देवेंद्र फडणवीस (Devendra-Fadnavis) यांनी समज दिल्याचे बोलले जाते. मात्र मुळातच आक्रमक स्वभावाचे असलेल्या बांगरांनी पुन्हा एकदा असाच प्रकार पुन्हा केला आहे. यामुळे ते पुन्हा चर्चेत आले आहेत.

दरम्यान, या दमदाटी प्रकरणी कुठल्याही राजकीय नेत्यांनी सध्यातरी कुठली प्रतिक्रिया दिलेली नाही.