Omraje Nimbalkar On his Fathers memorial day : आमदार, खासदार झालो तरी राजेसाहेब, तुमचा मुलगा हीच माझी खरी ओळख..

Dharashiv : शिवसेना (ठाकरे गट) खासदार ओमप्रकाश राजेनिंबाळकर यांचे वडिल दिवंगत पवनराजे निंबाळकर यांचा आज स्मृतीदिन. (Omraje Nimbalkar On his Fathers memorial day) या निमित्ताने ओमराजे यांनी वडिलांच्या जुन्या आठवणींना उजाळा दिला. राजेसाहेब तुमची पुण्याई हिच आपली ताकद असल्याचे सांगत त्यांनी पवनराजेंच्या स्मृतीस अभिवादन केले.

आज माझे वडील पवनराजे साहेबांचा स्मृती दिन. राजेसाहेबांनी जाऊन मोठा काळ लोटला, परंतु अजूनही त्यांनी लोकांसाठी केलेले काम, लोकांबद्दलची आपुलकी, यामुळे ते कायमच जनतेच्या मनात आहेत. (Osmanabad) राजेसाहेब, मी सुद्धा तुम्ही दाखविलेल्या मार्गावरूनच मार्गक्रमण करीत आहे. यात मला तुमच्या आशीर्वादाने लोकांची खंबीर साथ लाभत आहे.

मागे आमदार आणि आत्ता खासदार जरी असलो तरी तुमचा मुलगा म्हणून असलेली ओळखच माझी सर्वात मोठी ओळख आहे. (Shivsena) राजेसाहेब, तूम्ही दिलेली एक मोठी शिकवण कायमच दिशादर्शक आहे, ती म्हणजे पद कोणतेही असो ते मिरवण्यासाठी नव्हे तर जनतेसाठी वापरायचे आणि तेच मी करत आहे. (Omraje Nimabalkar)

तुम्हाला अभिमान वाटावा असेच कार्य माझ्याकडून होत राहील, ही ग्वाही देतो. राजेसाहेब, तुम्हाला पुण्यतिथी निमित्त शतशः नमन, अशा शब्दांत ओमराजे निंबाळकर यांनी पवनराजे यांच्या पुण्यतिथी दिनी आपल्या भावना व्यक्त केल्या.