स्थानिक स्वराज्य संस्था निवडणुकीसाठी मंत्री पंकजा मुंडे यांची प्रभारी म्हणून नियुक्ती करण्यात आली आहे.
भाजपचे नेते सुरेश धस यांच्यावर या निवडणुकीत प्रमुख म्हणून जबाबदारी सोपविण्यात आली आहे.
या निर्णयामुळे मराठवाड्यात भाजपची संघटनात्मक ताकद वाढविण्याची रणनीती स्पष्ट झाली आहे.
दत्ता देशमुख
BJP Politics : बंडखोर व आक्रमक नेते अशी ओळख असलेले भाजपचे आमदार सुरेश धस यांनी विधानसभा निवडणुकीचा निकाल लागताच पंकजा मुंडे यांच्यावर आपल्या विरोधात काम केल्याचा गंभीर आरोप केला. त्यानंतर त्यांचे टिकास्त्र सुरुच राहीले. या दोन नेत्यांतील संदोपसंदीच्या पार्श्वभूमीवर आता पक्षाने मात्र दोघांना एकत्र आणण्याचा प्रयत्न केला आहे.
भाजप प्रदेशाध्यक्ष रवींद्र चव्हाण यांनी जाहीर केलेल्या जिल्हानिहाय निवडणुक प्रभारी आणि निवडणुक प्रमुखांमध्ये बीडसाठी पंकजा मुंडे व सुरेश धस यांची निवड केली आहे. मुंडे प्रभारी तर धस प्रमुख आहेत. जिल्ह्यात बीड, परळी, अंबाजोगाई, धारुर, माजलगाव आणि गेवराई या सहा नगर परिषदांच्या निवडणुका होत आहेत.
पंकजा मुंडे यांचे होमग्राऊंड परळीतच भाजपची ताकद राष्ट्रवादीपेक्षा तुलनेने कमी आहे. मागच्या निवडणुकीत भाजपला येथे मोठा पराभव स्विकाराला लागला. आता परळीत मुंडे भावंडांमुळे दोन्ही पक्षांची युती होण्याची शक्यता आहे. बीडमध्येही पक्षाच्या संघटनात व ताकदीत फारशी वाढ नाही. माजलगाव, अंबाजोगाई, गेवराई व धारुरमध्ये पक्ष प्रबळ आहे.
दरम्यान, सुरेश धस सुरुवातीपासूनच बंडखोर व आक्रमक नेते म्हणून ओळखले जातात. 2018 मध्ये जिल्हा परिषदेचे उपाध्यक्ष असताना त्यांनीच जिल्हा परिषदेवर मोर्चा काढला. त्यानंतर त्यांनी आष्टीतून विधानसभाही जिंकली. जिल्हा परिषदेवर प्रथम राष्ट्रवादी काँग्रेसची सत्ताही त्यांच्यामुळेच आली. मागच्या जिल्ही परिषद निवडणुकीवेळी ते राष्ट्रवादी काँग्रेसमध्ये होते.
मात्र, त्यांनी आपले समर्थक सदस्य भाजपसोबत नेले आणि भाजपला सत्ता मिळण्यात मोठा लाभ झाला. तर, पंकजा मुंडे यांच्याकडेही वारसा असून त्यांना माणनारा मोठा वर्ग आहे. त्यामुळे संघटनात्मक मंडळ अध्यक्ष निवडीत पक्षाने त्यांना अधिकचा वाटा दिला. त्यांचा जिल्हाभर चाहता वर्ग आहे. या दोघांच्या ताकदीचा, संघटन कौशल्याचा पक्षाला फायदा व्हावा, या हेतूने दोघांनाही एकत्र आणल्याचे माणले जाते.
प्रश्न: स्थानिक निवडणुकीसाठी पंकजा मुंडे यांना कोणती जबाबदारी दिली आहे?
उत्तर: त्यांना निवडणुक प्रभारी म्हणून नियुक्त करण्यात आले आहे.
प्रश्न: सुरेश धस यांच्यावर कोणती जबाबदारी सोपवली आहे?
उत्तर: त्यांना निवडणुक प्रमुख म्हणून संपूर्ण निवडणूक व्यवस्थापनाची जबाबदारी देण्यात आली आहे.
प्रश्न: हा निर्णय कुठल्या पक्षाने घेतला आहे?
उत्तर: भारतीय जनता पक्षाने (भाजप) हा निर्णय घेतला आहे.
प्रश्न: या निर्णयाचा मराठवाड्यातील राजकारणावर काय परिणाम होऊ शकतो?
उत्तर: या दोन्ही नेत्यांच्या सक्रियतेमुळे भाजपला स्थानिक स्तरावर बळकटी मिळण्याची शक्यता आहे.
प्रश्न: निवडणुकीची तयारी कधीपासून सुरू होणार आहे?
उत्तर: पक्षाने लवकरच प्रचार मोहीम आणि उमेदवार निवड प्रक्रिया सुरू करण्याची तयारी दाखवली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.