Marathwada : अजित पवार राष्ट्रवादीचे ३५ आमदार घेवून शिंदे-फडणवीस सरकारमध्ये सामील झाले. नऊ आमदारांनी कॅबिनेटमंत्रीपदाची शपथही घेतली. (Parbhani Ncp News) अजित पवार पुन्हा उपमुख्यमंत्री झाले आणि या घटनेचे पडसाद राज्यासह मराठवाड्यात देखील उमटले. कोण शरद पवारांसोबत अन् कोण अजित पवारांच्या पाठीशी अशा चर्चांना उधाण आले.
परभणी (Parbhani) जिल्ह्यात राष्ट्रवादीचा एकही निवडून आलेला आमदार नसला तरी स्थानिक पातळीवर पक्षाचे संघटन मजबूत आहे. (Ncp) आमदार बाबाजानी दुराणी, खासदार फौजिया खान यांच्या रुपाने विधान परिषद आणि राज्यसभेत जिल्ह्याला प्रतिनिधित्व मिळाले आहे. हे दोन्ही नेते शरद पवारांना मानणारे असल्याने परभणीत अजित पवारांच्या बंडाचा तुर्तास तरी कुठलाही फटका पक्षाला बसलेला नाही.
जिल्ह्यातील राष्ट्रवादीच्या सर्वच महत्वाच्या नेत्यांनी आम्ही मोठ्या साहेबांसोबतच असल्याचे स्पष्ट केले आहे. (Marathwada) संघटना बांधणीत अजित पवारांचे परभणी जिल्ह्यात सातत्याने लक्ष असायचे. त्यामुळे त्यांना मानणारा विशेषतः तरुण वर्ग जिल्ह्यात मोठ्या प्रमाणात असला तरी त्यांच्या बंडाला अद्याप कुणीही पाठिंबा जाहीर केलेला नाही. तरुण कार्यकर्त्यांची मोठी फळी अजित पवारांनी निर्माण केल्यामुळे जिल्ह्याच्या राजकारणात समतोल होता.
परंतु, काही दिवसांपासून पक्षातील अंतर्गत कुरबुरींनी डोके वर काढले होते. पक्षात दोन गट पडल्याचे स्पष्ट दिसत होते. रविवारी झालेल्या राजकीय घडामोडीनंतर जिल्ह्यातील राष्ट्रवादी काँग्रेसमध्ये मोठी उलथा-पालथ होण्याची शक्यता नाकारता येत नाही. जिल्ह्यातील बहुतांश ग्रामपंचायती राष्ट्रवादी काँग्रेसच्या ताब्यात आहेत. गावपातळीपर्यंत पक्षाचे संघटन पोहचल्यामुळे तुर्तास मोठेफेरबदल झाले नसले तरी पुढील काळात ते होणार नाही, याची खात्री देता येत नाही.
राज्यसभेच्या खासदार डॉ. फौजिया खान, आमदार बाबाजानी दुराणी यांनी मात्र शरद पवारांची साथ सोडणार नसल्याचे जाहीर केले. पण, पक्षाच्या जिल्ह्यातील इतर महत्त्वाच्या नेत्यांनी मात्र सध्या सावध भूमिका घेतली आहे. जिंतूरचे माजी आमदार विजय भांबळे, गंगाखेडचे माजी आमदार डॉ. मधुसूदन केंद्रे व जिल्हा परिषदेचे माजी अध्यक्ष राजेश विटेकर यांनी भूमिका स्पष्ट केलेली नाही. परभणीचे माजी महापौर प्रताप देशमुख यांनी मात्र दादा एके दादाच असे म्हणत आपण अजित पवार यांच्यासोबत राहणार असल्याचे सांगितले. मी दादांना सोडून जाणार नाही, असे त्यांनी स्पष्ट केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.