सहकार मंत्र्यांनी भाजपला धोका दिल्याचा गंभीर आरोप संभाजी पाटलांनी केला.
या आरोपांवर बाबासाहेब पाटलांनी तीव्र पलटवार करत विधानसभेतील गद्दारीची आठवण करून दिली.
आरोप-प्रत्यारोपांच्या नाट्यमय संघर्षामुळे लातूरच्या राजकारणात तणाव वाढला आहे.
राम काळगे
Latur BJP-NCP Controversy News : अहमदपूर नगरपालिकेच्या निवडणुकीत सहाकर मंत्री बाबासाहेब पाटील यांनी धोका दिला, असा जाहीर आरोप करत बदला घेण्याची भाषा भाजपचे आमदार संभाजी पाटील निलंगेकर यांनी केली होती. त्याला बाबासाहेब पाटील यांनी एका प्रचार सभेत प्रत्युत्तर दिले. मुठभर लोकांच्या पोटदुखीमुळे अहमदपूर नगरपालिकेत महायुती तुटलेली आहे. विधानसभेला गद्दारी कोणी केली? मी गद्दार नाही, अशा शब्दात संभाजी पाटील निलंगेकर यांचे आरोप फेटाळले.
संभाजीराव पाटील निलंगेकर यांनी आम्हाला गद्दार म्हटले, नेमका फॅक्ट बघा आणि मला बोला. तुम्ही म्हणलात बाबासाहेब पाटील गद्दार आहे. मी बिलकुल गद्दार नाही विधानसभेला कोण गद्दारी केली? या अगोदर तपासा नंतर बोला, असे आवाहन पाटील यांनी केले. अहमदपूर नगरपालिकेत ऐनवेळी युती तुटल्याचे खापर संभाजी पाटील निलंगेकर यांनी बाबसाहेब पाटील यांच्यावर फोडले होते. जाहीर कार्यकर्त्या मेळाव्यात याचा बदला घ्या, असे आवाहन त्यांनी केले होते.
यानंतर बाबासाहेब पाटील आणि संभाजी पाटील निलंगेकर यांच्या समर्थकांमध्ये तणावाचे वातावरण आहे. या पार्श्वभूमीवर काल बाबासाहेब पाटील यांनी निलंगेकरांच्या आरोपाला उत्तर दिले. भारतीय जनता पक्षाच्या कार्यकर्ता बैठकीत संभाजीराव पाटील निलंगेकर यांनी मंत्री बाबासाहेब पाटील यांच्यावर गद्दारीचा आरोप केला होता. यावर सहकार मंत्री बाबासाहेब पाटील म्हणाले की, जनतेत मी न्याय द्यायला तयार आहे, परमेश्वराकडे सुद्धा न्याय द्यायला तयार आहे. मी आठ जागा दिल्या होत्या रेकॉर्ड आहे माझ्याकडे.
वार्ड क्रमांक तीन मध्ये मुस्लिम समाज जास्त आहे म्हणून एक जागा वाया घालवू नका. कारण तेथे मोठ्या प्रमाणात मुस्लिम समाज असून तो अजूनही कमळाकडे यायला तयार नाही. हा समाज शिवसेनेकडे, राष्ट्रवादीकडे यायला तयार आहे. तो भाजपकडे येईल पण त्यासाठी वेळ जावा लागेल ही वस्तुस्थिती आम्ही मांडली आणि म्हणून ही जागा वाया घालवू नका, असे माझे म्हणणे होते. या जागेवरून तेढ निर्माण झाला. आपला माणूस निवडून येत नाही म्हणून सांगत होतो. पण भाजपाच्या स्थानिक कार्यकर्त्यांनी ऐकले नाही.
महायुती ही भाजपच्या लोकांना होऊ द्यायची नव्हती. विधानसभेला कोण गद्दारी केली? हे तपासा तुमचं आम्हाला गद्दार म्हणून भलं होत असेल तर बिलकुल म्हणा, आम्हाला काही फरक पडत नाही. आज मी जबाबदारीने बोलतो, मागेही जबाबदारीने बोललो. का़ही लोक असं वातावरण गढूळ करून राजकीय पोळी भाजून घेण्याचा प्रयत्न करत आहेत. जिल्ह्यात महायुतीचा एकोपा निर्माण करायचा आहे ही भूमिका आमची राहिलेली आहे, असे बाबासाहेब पाटील म्हणाले.
निलंगेकर-पाटील यांच्यातील वादाचा परिणाम आगामी जिल्हा परिषद व पंचायत समिती निवडणूकीतील महायुतीवर होतो का? असा प्रश्न या निमित्ताने निर्माण झाला आहे. गद्दारी ही तुमच्या कार्यकर्त्यांनीच केली, ती अगोदर तपासा, असे आव्हानच बाबासाहेब पाटील यांनी निलंगेकरांना दिले आहे. आता निवडणूक निकालानंतर हा वाद शमतो की अधिक चिघळतो? हे पहावे लागणार आहे.
1. संभाजी पाटलांनी नेमका कोणावर धोका दिल्याचा आरोप केला?
सहकार मंत्र्यांवर राजकीय विश्वासघात आणि निर्णय प्रक्रियेत दुर्लक्ष केल्याचा आरोप केला.
2. बाबासाहेब पाटलांनी कसा पलटवार केला?
विधानसभेत घडलेल्या गद्दारीच्या जुन्या प्रकरणाची आठवण करून तीव्र टीका केली.
3. हा वाद कशामुळे पेटला?
स्थानिक राजकारणातील सत्ता समीकरणे आणि सहकार खात्याशी संबंधित निर्णयांमुळे.
4. या प्रकरणाचा राजकारणावर काय परिणाम होऊ शकतो?
पक्षांतर्गत तणाव वाढल्याने आगामी निवडणुकांवर परिणाम होऊ शकतो.
5. पुढील घडामोडींची अपेक्षा काय?
दोन्ही नेत्यांकडून आणखी खुलासे आणि राजकीय नाट्य रंगण्याची शक्यता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.