Sanjay Jadhav : दुष्काळी आढावा बैठकीत काजू-बदामावर ताव, खासदार संजय जाधवांची पहिली प्रतिक्रिया,म्हणाले, 'समोर ताट वाढल्यावर...'

Sanjay Jadhav News : नांदेडमध्ये कृषीमंत्री दत्तात्रय भरणे यांच्या उपस्थितीत मराठवाड्यातील दुष्काळी परिस्थितीबाबत आढावा बैठक पार पडली. या बैठकीदरम्यान खासदार संजय जाधव काजू-बदाम खात असल्याचा व्हिडिओ सोशल मीडियावर व्हायरल झाला. या व्हिडिओवरून विरोधकांकडून टीका होत असताना खासदार संजय जाधव यांनी प्रतिक्रिया दिली आहे.

‘समोर ताट वाढल्यावर खाणं चुकीचं आहे का? विरोधकांच्या टीकेला आपण महत्त्व देत नाही.', अशी अरेरावीची भाषा त्यांनी केली.

याच्यावर माझी प्रतिक्रिया असल्याचे कारण नाही. आम्ही बैठकीला आलो कोणी ठेवले, काय ठेवले, पण कोणी तुमच्यासमोर ताट वाढून ठेवल्यानंतर तुम्ही घेणार की नाही घेणार? तुम्ही सांगा, असा उलट प्रश्न जाधव यांनी पत्रकारांना केला.तसेच काजू बदाम बैठकीत ठेवणाऱ्याची चूक आहे, ठेवायला नको होतं, असे देखील ते म्हणाले.

या बैठकीचं निमंत्रण विरोधकांना देखील होते मात्र ते आले नाहीत, त्यांना बोलायचे असल्याने ते काही बोलू शकतात, असे देखील त्यांनी सांगितले.

मुख्यमंत्री काय म्हणाले?

प्रशासन बैठकांमध्ये ड्रायफूट आणून ठेवते, अशा गोष्टी टाळल्या पाहिजे. पण जाणीवपूर्वक दुष्काळ आहे म्हणून असं कोणीतरी करते, हे म्हणणे योग्य नाही. पण प्रशासनाने काही गोष्टी लक्षात ठेवल्या पाहिजेत आणि संवेदनशीलपणे वागले पाहिजे, असे मुख्यमंत्री देवेंद्र फडणवीस यांनी म्हटले.

विरोधकांची टीका

आमदार अंबादास दानवे म्हणाले की,यांना संवेदनशीला आहे की नाही? शेतकऱ्यांच्या बैठक जेथे होत आहे त्या जिल्ह्यात शेतकऱ्यांने आत्महत्या केली आहे. बैठकांच्या नाटकांची गरज नाही, सरळ दुष्काळ जाहीर केला पाहिजे. तर, सुषमा अंधारे यांनी देखील बैठकांचा फार्स कशासाठी असे म्हणत टीका केली.