Beed News, 14 Feb : खोक्या उर्फ सतीश भोसले (Satish Bhosale) याच्या अडचणी दिवसेंदिवस वाढताना दिसत आहेत. गुरूवारी (ता.13) बीड पोलिसांनी उत्तर प्रदेशातील प्रयागराज इथून त्याला अट केल्यानंतर वन विभागाने देखील खोक्याच्या अनधिकृत घरावर बुलडोजर कारवाई करत त्याचं घर जमीनदोस्त केलं होतं.
अशातच आता वन विभागाने (Forest Department) पाडलेल्या घराला ऐन होळीच्या दिवशी कोणीतरी आग लावल्याची धक्कादायक घटना घडली आहे. या प्रकरणी आता पोलिसांनी अज्ञाताविरोधात गुन्हा दाखल केला आहे.
मिळालेल्या माहितीनुसार, वन विभागाने सतीश भोसले उर्फ खोक्याच्या 'ग्लास हाऊस' नावाच्या घरावर बुलडोझर चालवला होता. त्याच पाडलेल्या घराला काही अज्ञातांनी आग लावली आहे. या आगीत काही जीवनावश्यक वस्तू जळून खाक झाल्या आहेत. तसंच जनावरांच्या चाऱ्यासह काही पशूंचा मृत्यू झाल्याची प्राथमिक माहिती आहे.
पोलिसांना (Police) घटनेची माहिती मिळताच त्यांनी घटनास्थळी जाऊन त्यांनी ही आग विझवली. मात्र, हे घरं नेमकं कोणी पेटवलं आणि का पेटवलं याचा तपास पोलिसांकडून सुरू आहे. शिवाय होळीच्या दिवशी मु्द्दाम कोणी हे कृत्य केलं का याचाही तपास पोलिस करत आहेत. मात्र, काही लोकांनी अचानक हल्ला केल्याचा आरोप सतीश भोसलेच्या कुटुंबियांनी केला आहे.
दरम्यान, सतीश भोसलेला प्रयागराजमध्ये अटक केल्यानंतर बीड (Beed) पोलिस आज सकाळी त्याला घेऊन छत्रपती संभाजीनगरमध्ये दाखल झाले. पहाटे संभाजीनगरच्या विमानतळावरून त्याला बीडकडे रवाना झाले आहेत. तर खोक्याला आजच शिरुर कासार न्यायालयात हजर देखील केलं जाणार आहे.
२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.