Satish Bhosale arrested : 'खोक्या'ला मदत करणारे सहआरोपी होणार; पोलिस अधीक्षक नवनीत कावतांनी उचललं मोठं पाऊल

Maharashtra Police news : भाजप आमदार सुरेश धस यांचा निकटवर्तीय गुंड सतीश भोसले ऊर्फ 'खोक्या'भाई याला प्रयागराज येथून अटक करण्यात आली आहे. सतीश भोसले उत्तर प्रदेश पोलिसांकडून हस्तांतराची प्रक्रिया पूर्ण झाल्यानंतर त्याला बीडमध्ये आणण्यात येईल.

दरम्यान, पसार होण्यासाठी त्याला मदत करणारे आणि गुन्ह्यांमध्ये त्याला सहकार्य करणाऱ्यांना देखील सहआरोपी करण्यात येईल, अशी प्रतिक्रिया बीडचे पोलिस अधीक्षक नवनीत कावत यांनी दिली.

सतीश भोसले याचे गुन्हे (Crime) बाहेर आल्यापासून त्याच्यावर पोलिसांचा वाॅच होता. त्यामुळे बीड पोलिसांना तो मिळत नाही, शोध लागत नाही, असे म्हणणे चुकीचे ठरले. शेवटचे लोकेशन त्याचे प्रयागराज इथं असल्याचे मिळाले, असा पोलिस अधीक्षक नवनीत कावत यांनी केला.

सतीश भोसले याला उद्या किंवा परवा बीडमध्ये (BEED) आणले जाणार आहे. त्यानंतर त्याच्याशी संबंधित गुन्ह्यांची चौकशीला सुरवात होईल. माध्यमांना भेट होता, पण पोलिसांना भेटत नाही, असे बोलले जात होते. त्यावर नवनीत कावत म्हणाले, असे काही नाही. दोन्ही डिपार्टमेंट वेगवेगळे आहेत. आमचे पथक त्याच्या मागावरच होते. त्याला रिझर्ल्ट बघितला आहे, असे नवनीत कावत यांनी म्हटले.

सतीश भोसले हा बीडमधील कसा पळाला, याची माहिती त्याच्याकडे तपास केल्यानंतर समोर येईल, असे सांगताना त्याला यात ज्यांनी कोणी मदत केली आहे, त्यांना सहआरोपी करणार असल्याचे पोलिस अधीक्षक नवनीत कावत यांनी सांगितले.

गुंड सतीश भोसले याच्यावर दोन गुन्हे शिरूर कासार पोलिस ठाण्यात, एक गुन्हा चकलांबा पोलिस ठाणे आणि एक वनविभागाने गुन्हा दाखल केला आहे. यात बीड पोलिसांकडे दाखल असलेल्या तीन गुन्ह्यांपैकी दोन गु्न्हे 307 कलमानुसार, तिसरा गुन्हा एनडीपीएस कायद्यातील तरतुदींनुसार दाखल आहे, अशी माहिती पोलिस अधीक्षक नवनीत कावत यांनी दिली.