Sharad Pawar On Wrestler Protest: कुस्तीपटूंच्या आंदोलनावर शरद पवारांचं मोठे विधान; म्हणाले...

Chhatrapati Sambhajinagar News : राष्ट्रवादी काँग्रेसचे अध्यक्ष शरद पवार (Sharad Pawar) हे सद्या छत्रपती संभाजीनगर दौऱ्यावर आहेत. आज सकाळी सव्वा नऊच्या सुमारास त्यांनी शहरातून पत्रकार परिषद घेतली. यावेळी त्यांनी पत्रकारांच्या विविध प्रश्नांना उत्तरे देत, विविध मुद्द्यावर भाष्य केले.

महिला कुस्तीपटूंच्या आंदोलनावरही शरद पवार यांनी प्रतिक्रिया दिली.'कुस्तीपटूंच्या आंदोलनाकडे दुर्लक्ष झालं अस म्हणता येणार नाही, मात्र केंद्र सरकारने त्यांच्या मागण्या मान्य कराव्यात असे पवार म्हणाले. '

शरद पवार म्हणाले, "लोकशाही पद्धतीने आपल्या मागण्यांसाठी, न्यायासाठी ते झगडत आहेत. आंदोलक कुस्तीपटूंना दिल्ली पोलिसांकडून जी काही वागणूक अत्यंत वेदनादायक आहे. आपल्या देशाची शान असलेल्या कुस्तीपटूंना अशाप्रकारे वागणूक देणे, त्यांचा झटापट करणे, अत्यंत निषेधार्ह बाब आहे. दिल्ली पोलिसांच्या या वर्तवणुकीचा मी निषेध करतो. पोलिसांकडून झालेल्या या कृत्यामुळे आपली लोकशाही मूल्ये अपमानित झाली आहेत,” असे पवार म्हणाले.

दंगलसदृश्य घटनांवर भाष्य :

शरद पवार म्हणाले, "राज्यात सातत्याने दंगली घडून येत आहेत. धार्मितदंगली मर्यादित भागात झाली असेल तर फार चिंतेचा विषय नाही. मात्र असे प्रकार घडत नसून, ते जाणीवपूर्वक घडवले जातात. मी काल एका वाहिनीवर पाहिलं की, कोणीतर गर्दीत कुणीतरी औरंगजेबाचा फोटो दाखवतो आहे. आता या गोष्टीसाठी इतर ठिकणी दंगल करायचं कारण काय? यासाठी पुण्यात आंदोलन करायची काय गरज आहे, असा सवाल पवारांनी विचारला.

यावेळी पवार यांना धार्मिक अल्पसंख्यांक यांच्यावरील हल्ले, चर्चवरील हल्ले याबाबत प्रश्न विचारण्यात आला. यावर पवार म्हणाले, 'ओडीशामध्ये आणि काही राज्यामध्ये चर्चवर हल्ले झाले. खिश्चन समाज तसा शांतताप्रिय असतो. कुणाची काही चूक असेल तर पोलीस अॅक्शन घ्यावी. त्यासाठी धार्मिक स्थळांवर कशाला हल्ला करावा? हे जे घडतंय, हे सहजासहजी घडत नाही. हे एकटया दुकट्याचं काम नाही. यामागे काही विचारधारा आहेत. ती विचारधारा समाजाच्या हिताची नाही, असे शरद पवार म्हणाले.