Beed News : किरकोळ कारणावरून 20 जणांन मिळून परळी तालुक्यातील शिवराज दिवटे या तरुणाला काठ्या, बेल्ट, राॅडने बेदम मारहाण केली. या प्रकरणाचा व्हिडिओ सोशल मीडियावर व्हायरल झाला होता. मारहाणी प्रकरणानंतर मराठा संघटना आक्रमक झाल्या असून त्यांनी बीड बंदची हाक दिली होती. मात्र, रविवारी रात्री उशीरा बीड बंद स्थगित करण्यात येत असल्याचे जाहीर करण्यात आले. मात्र, परळी बंद ठेवण्याचे आवाहन मराठा क्रांती मोर्चाच्या पदाधिकाऱ्यांकडून करण्यात आले. मराठा संघटना परळीमध्ये आंदोलन करण्यावर ठाम आहेत.
शिवराजला मारहाण करणाऱ्या सात आरोपींना पोलिसांनी ताब्यात घेतल आहे. त्यामध्ये दोन अल्पवयीन तरुणांचा देखील समावेश आहे. बीडचे पोलिस अधिक्षक नवनीत काँवत यांनी या प्रकरणाला जातीय रंग देऊ नका, असे आवाहन केले आहे. 20 जणांवर गुन्हा दाखल झाला आहे त्यामध्ये वेगवेगळ्या जातीचे आरोपी आहेत. हे तत्कालीन कारणामुळे हे भांडण झाले असल्याचे देखील त्यांनी सांगितले.
शिवराजला मारहाण केल्याचे प्रकरणी मनोज जरांगे पाटील, आमदार सुरेश धस हे देखील आक्रमक झाले असून आरोपींवर कठोर कारवाई करण्याची त्यांनी मागणी केली आहे. रविवारी मनोज जरांगे पाटील आणि सुरेश धस यांनी शिवराजची रुग्णालयात भेट घेत त्याच्या तब्येतीची विचारपूस केली.
शिवराज दिवटे मारहाण प्रकरणाला मराठा विरुद्ध वंजारी असा संघर्ष भडकण्याची शक्यता वर्तवली जात असताना मंत्री धनंजय मुंडे यांनी शिवराजची रुग्णालयात भेट घेतली. अंबेजोगाईतीली रुग्णालयात शिवराजची अस्थेवाईकपणे चौकशी करतानाच धनंजय मुंडे यांनी त्यांच्या कुटुंबियांशी संवाद साधत आरोपींवर कठोर कारवाई केली जाईल, असा शब्द दिला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.