Tanaji Sawant Warns: माझा नाद नाय करायचा! थांब, तुझ्यावर एन्क्वायरी लावतो; तानाजी सावंतांचा बंडखोर उमेदवाराला दम

Tanaji Sawant Warns Rebel Candidate in Dharashiv ZP Election: शिवसेनेचे नेते, राज्याचे माजी मंत्री, आमदार तानाजी सावंत आपल्या विधानामुळे अनेकवेळा वादात सापडतात. आता अशाच एका विधानावरुन ते पुन्हा चर्चेत आले आहेत.

जिल्हा परिषद निवडणुकीत तानाजी सावंत यांनी एका बंडखोर उमेदवाराला जाहीर सभेत थेट दम भरला. आपलाच जुना कार्यकर्ता बंडखोरी करून अपक्ष म्हणून रिंगणात उतरल्याने तानाजी सावंत आक्रमक झाले.

थांब, तुझ्यावर एन्क्वायरी लावतो, महाराष्ट्र फिरवलेला हा तानाजी सावंत आहे, माझा नाद करायचा नाही,” अशा शब्दात सावंतांनी बंडखोर उमेदवाराला दम दिला आहे. धाराशिव जिल्ह्यातील पारा जिल्हा परिषद गटात झालेल्या सभेत सावंत यांनी विरोधी उमेदवारांचा सडेतोड समाचार घेतला.

धाराशिव जिल्ह्यातील पारा जिल्हा परिषद गटात झालेल्या सभेत तानाजी सावंत विरोधकांवर तुटून पडले. रस्त्याच्या दुरावस्थेवरून त्यांनी विरोधकांना खडेबोल सुनावले.सभेला जात असताना रस्त्यांच्या दुरवस्थेवरून सावंत संतापले. "जनतेला वेठीस धरू नका," असा इशारा त्यांनी दिला.

काय म्हणाले तानाजी सावंत

"माझा नाद करायचा नाही. मी मी म्हणणाऱ्यांची मी जिरवली आहे. आज रस्त्यांची काय अवस्था करून ठेवली आहे. मी रस्त्यावरून आलो. तो रस्ता विरोधक आपणच केल्याचा दावा विरोधक करीत आहेत. तुझ्या बापानं निधी आणला का? महाराष्ट्र सरकारचा पैसा आहे, निधी मी आणला. थांब आता तुझी चौकशीच लावतो, अशी धमकी सावंत यांनी बंडखोर उमेदवाराला दिली.