Suresh Dhas On Prajakta Mali: प्राजक्ता माळी मोठं पाऊल उचलण्याच्या तयारीत, आरोपांचा धुरळा उडवणाऱ्या सुरेश धस यांचा 'यू- टर्न'? आता म्हणतात...

Beed News : बीडमधील सरपंच निर्घृण हत्येप्रकरणी राजकीय आरोप-प्रत्यारोपांनी राजकारण पेटलं आहे.त्यात भाजप आमदार सुरेश धस यांनी याप्रकरणात धक्कादायक खुलासे आणि गंभीर आरोप करत खळबळ उडवून दिली आहे. त्यांच्या निशाण्यावर प्रत्यक्ष -कधी अप्रत्यक्ष मंत्री आणि राष्ट्रवादी काँग्रेसचे नेते धनंजय मुंडे हेच असल्याचं लपून राहिलेलं नाही. पण अभिनेत्रीबाबत केलेलं वादग्रस्त वक्तव्यं अंगलट येण्याची चिन्हे दिसू लागताच आमदार सुरेश धस (Suresh Dhas) यांनी यू -टर्न घेतल्याची चर्चा आहे.

भाजपचे आष्टीचे आमदार सुरेश धस यांनी शुक्रवारी (ता.27) मंत्री धनंजय मुंडेंवर (Dhananjay Munde) टीका करताना परळी पॅटर्नचा उल्लेख केला. ते एवढ्यावरच थांबले नाहीतर त्यांनी यावेळी प्रसिध्द अभिनेत्री प्राजक्ता माळी,रश्मिका मंदाना, सपना चौधरी यांचं नाव घेत गंभीर आरोप केला होता. या आरोपांनी महाराष्ट्र हादरवून गेला. या आरोपांनंतर प्राजक्ता माळीनं धस यांच्याविरोधाच महिला आयोगात तक्रार करण्याचा निर्णय घेतला होता. यानंतर मात्र आता आमदार धस यांनी यू- टर्न घेतल्याचं त्यांच्या सावध प्रतिक्रियेवरुन समोर येत आहे.

अभिनेत्री प्राजक्ता माळी यांनी तुमच्या विधानावर आक्षेप घेतला असून त्या याप्रकरणी महिला आयोगात तक्रार करणार असल्याची माहिती समोर आली होती.याविषयी सुरेश धस यांनी प्रतिक्रिया दिली आहे. एखाद्या महिलेचा अवमान होईल, असं मी काहीच बोललो नसल्याचं म्हटलं आहे.

आमदार धस म्हणाले,हा विषय कुठे नेऊच नका. आपण एखाद्या महिलेचा अवमान होईल असं काही बोललेलो नाही. त्यांनी माझा बाईट तपासावा. त्यांना काही वावगं वाटलं तर त्यांनी राज्य महिला आयोगात जावं. बाबासाहेब आंबेडकरांनी स्वातंत्र्य दिलं आहे. त्याउपर काही ठरवलं तर मला हरकत नाही असंही धस यांनी सांगितलं.

तसेच आपण प्राजक्ता माळी यांचा हास्यजत्रा कार्यक्रम पाहतो, अशी कबुलीही दिली. याचवेळी त्यांनी एक मराठी मुलगी वर जाते याचा अभिमान आहे. पण त्याउपरही त्या आयोगाकडे गेल्या, तर मी चौकशीला सामोरे जाईल. कारण आपण काहीच चुकीचं बोललो नाही.महिला आयोगासमोर आपली बाजू ठेवेल. मी त्यांना प्राजक्ता माळी नाही तर प्राजक्ताताई असं म्हटल्याचंही धस यांनी अधोरेखित केलं आहे.

धस यांचा काय होता घणाघाती आरोप..?

भाजप आमदार सुरेश धस यांनी धनंजय मुंडे आणि वाल्मिक कराड यांच्याबाबत धक्कादायक खुलासा करताना परळी पॅटर्नचा उल्लेख केला होता.त्यात त्यांनी तिथे कशाप्रकारे इव्हेंट होतात याचाही संदर्भ दिला होता. त्यावेळी त्यांनी सपना चौधरी, रश्मिका मंदाना, प्राजक्ता माळी यांचं नाव घेत इव्हेंट मॅनेजमेंट पॉलिटिक्स ज्यांना करायचे असेल, त्यांनी परळीला यावे. त्याचं शिक्षण घ्यावं आणि संपूर्ण देशात त्याचा पसार करावा, असं विधान केलं होतं. याच विधानावर प्राजक्ता माळीने आक्षेप घेतला आहे. मुंडेंना कोणत्याही गोष्टीचं गांभीर्य राहिलं नाही”

...नाहीतर मला पक्षानं थांब म्हटलं असतं!

सुरेश धस यांनी याबाबत आपल्याला दीड वाजता बावनकुळेंचा फोन आला होता, अशी माहितीही दिली.पण आपलं त्यांच्याशी काही बोलणं झालं नसल्याचंही सांगितलं. पण आपण काही चुकीचं करणार नाही. माझ्या बोलण्यात काही चुकीचं वाटलं असतं तर लगेच पक्षानं मला थांबवलं असतं. पण ही घटना राजकारणाचा विषय नाही, असंही धस यांनी स्पष्ट केलं.