Hinoli Municipal Council Election-MLA Mutkule-Bangar Clash News Sarkarnama
मराठवाडा

Santosh Bangar-Tanhaji Mutkule : क्लिप बाहेर काढली तर लोक चपलेने मारतील ; संतोष बांगर यांचा मुटकुळेंना इशारा! हिंगोलीत प्रचाराची पातळी घसरली

MLA Santosh Bangar Warn BJP MLA Tanhaji Mutkule : आपल्याकडे मुटकुळे यांची एक क्लिप असून ती जाहीर केल्यास त्यांना फाशी घेण्याशिवाय पर्याय उरणार नाही

Jagdish Pansare

  1. भाजप आमदार तान्हाजी मुटकुळे यांनी शिवसेना (शिंदे गट) आमदार संतोष बांगर यांनी ५० कोटी रुपये घेतल्याचा गंभीर आरोप केला.

  2. या आरोपांवर संतोष बांगर यांनी कडक प्रतिक्रिया देत “क्लिप बाहेर काढू” असा इशारा दिला.

  3. या संघर्षामुळे महाराष्ट्रातील राजकारणात तापमान वाढले असून पुढील घडामोडींकडे सर्वांचे लक्ष लागले आहे.

Shivsena BJP Controversy : हिंगोली नगरपालिकेतील प्रचाराची पातळी खालवली असल्याचे गेल्या काही दिवसापासून भाजपचे आमदार तान्हाजी मुटकुळे, शिवसेनेचे संतोष बांगर यांच्या आरोप-प्रत्यारोपांवरून दिसून येत आहे. विकासकामाच्या मुद्यावर निवडणुक लढण्याऐवजी हा कसा वाईट, तो किती बदमाश याचीच उजळणी बांगर-मुटुकुळे यांच्याकडून केली जात असल्याने मतदारांचे मात्र मनोरंजन होत आहे.

तान्हाजी मुटकुळे यांनी शिवसेनेचे आमदार संतोष बांगर म्हणजे हिंगोलीला लागलेला कंलक असल्याची टीका काल केली होती. त्यांच्यामुळेच शहरात मटका, जुगार, वाळूमाफिया, अवैध गुटखा विक्रीचे प्रकार सुरू झाले, असा आरोपही मुटकुळे यांनी केला होता. एवढ्यावरच न थांबता शिवसेना पक्ष फुटल्यानंतर उद्धव ठाकरे यांच्यासोबतच राहणार असल्याचे रडत सांगणारे बांगर एकनाथ शिंदे यांच्याकडून पन्नास कोटी मिळल्याबरोबर त्यांच्यासोबत गेले, असा आरोपही मुटकुळे यांनी केला.

यावर पित्त खवळलेल्या संतोष बांगर यांच्याकडून उत्तर आले नाही तर नवलच. तान्हाजी मुटकुळे हा घरात येऊ द्यावा, असा माणून नाही. त्याची आया-बहिणींवर वाईट नजर आहे. तो महिलांवर अत्याचार करतो, अशा शब्दात गंभीर आरोप केले. 'या हिंगोली जिल्ह्यातल्या माझ्या मायबाप जनतेने यांना घरामध्ये येऊ देवू नये, त्यांची वाईट नजर आहे.

हे घरामध्ये जर आलं तर आपल्या माय बहिणीवर वाईट नजर टाकतात. यांना चपलीनं मारायला पाहिजे.' इतकेच नाही तर, आपल्याकडे मुटकुळे यांची एक क्लिप असून ती जाहीर केल्यास त्यांना फाशी घेण्याशिवाय पर्याय उरणार नाही, असा इशाराही संतोष बांगर यांनी दिला आहे. या विधानामुळे हिंगोलीतील राजकीय वातावरण तापले असून शेवटच्या तीन दिवसात आणखी हा प्रचार किती खालची पातळी गाठतो हे पहावे लागेल.

दरम्यान, हिंगोली नगरपालिकेतील प्रचार आता मुद्यावरून गुद्यांवर येतो की काय? अशी भिती मतदारांना वाटू लागली आहे. राज्याच्या सत्तेत सोबत असलेल्या शिवसेना-भाजपच्या जिल्ह्यातील आमदारांनी एकमेकांचे असे वाभाडे काढणे कोणालाच आवडलेले नाही. भाजपचे आमदार मुटकुळे यांच्याकडून शिवसेनेचे आमदार संतोष बांगर यांची गुन्हेगारी पार्श्वभूमी, त्यांच्यामुळे जिल्ह्यात अवैध धंदे कसे वाढले? याचा पाढा वाचला जातोय. तर त्याला उत्तर देताना बांगर यांनी थेट मुटकुळे यांच्या चारित्र्यावरच संशय व्यक्त करत आरोप सुरू केले आहेत.

5 FAQs in Marathi

1. तान्हाजी मुटकुळे यांनी नेमका कोणता आरोप केला?
संतोष बांगर यांनी शिंदे गटाकडून ५० कोटी रूपये घेतल्याचा दावा केला.

2. संतोष बांगरांनी यावर काय प्रतिक्रिया दिली?
त्यांनी आरोप फेटाळून लावत, मुटकुळे यांची ऑडिओ/व्हिडिओ क्लिप जाहीर करण्याची चेतावणी दिली.

3. हा वाद का पेटला?
राजकीय वर्चस्व आणि सत्ता समीकरणातील तणावामुळे ही टक्कर चिघळली आहे.

4. या वादाचा राजकीय परिणाम काय होऊ शकतो?
दोन्ही पक्षांच्या प्रतिमेवर परिणाम होण्याची शक्यता, तसेच गटांमध्ये तणाव वाढू शकतो.

5. पुढील पाऊल काय असू शकते?
क्लिप जाहीर झाल्यास मोठा भूकंप होण्याची शक्यता राजकीय वर्तुळात चर्चेत आहे.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

SCROLL FOR NEXT