MNS Third List: विधानसभा निवडणुकीसाठी महाराष्ट्र नवनिर्माण सेनेने तिसरी उमेदवारी यादी जाहीर केली आहे. या यादीत एकूण 13 उमेदवारांची घोषणा करण्यात आली आहे. या आधी मनसेने काल दुसरी यादी जाहीर केली होती, ज्यामध्ये 45 उमेदवार जाहीर करण्यात आले होते. सर्वात आधी राज ठाकरे यांनी राजू पाटील आणि अविनाश जाधव यांची उमेदवारी जाहीर केली होती.
राज्यात विधानसभा निवडणकीचं बिगुल वाजलेलं आहे. सर्वच राजकीय पक्ष उमेदवारी याद्या जाहीर करत आहेत. आतापर्यंत महायुतीमधील तिन्ही प्रमुख पक्षांनी म्हणजेच भाजप, शिवसेना आणि राष्ट्रवादी काँग्रेसने पहिल्या याद्या जाहीर केलेल्या आहेत.
तर आज महाविकास आघाडीमधून शिवसेना उद्धव बाळासाहेब ठाकरे पक्षाने पहिली यादी जाहीर केलेली आहे. तर उमेदवारी याद्या जाहीर करण्यात मनसेने (MNS) आघाडी घेतली असून, आता तिसरी उमेदवारी यादीही जाही केली गेली आहे.
महाराष्ट्र नवनिर्माण सेनेच्या तिसऱ्या यादीत भाजप (BJP)मधून मनसेत प्रवेश केलेले दिनकर पाटील यांना नाशिक पश्चिम मतदारसंघातून उमेदवारी जाहीर करण्यात आलेली आहे. मनसेने दुसऱ्या यादीत पक्षातील अनेक दिग्गजांना संधी दिल्याचे दिसून आले होते. यामध्ये अमित ठाकरे, संदीप देशपांडे यांचा समावेश होता.
महाराष्ट्र नवनिर्माण सेनेकडून राज ठाकरे (Raj Thackeray) यांचे पुत्र अमित ठाकरे यांना माहीम मतदारसंघात उमेदवारी घोषित करण्यात आली आहे. तर विशेष बाब म्हणजे वरळी मतदारसंघातूनही मनसेने उमेदवार दिला आहे.
या ठिकाणी मनसे सरचिटणीस संदीप देशपांडे यांना उमेदवारी दिली आहे. त्यामुळे आता या ठिकाणी शिवसेना उद्धव बाळासाहेब ठाकरे पक्षाचे नेते आदित्य ठाकरे यांच्याशी त्यांची थेट लढत असणार आहे.
(Edited by - Mayur Ratnaparkhe)
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.