Nagpur MLC Election : नागपूरमध्ये काँग्रेसचा अभूतवूर्व गोंधळ; राऊत-केदार वादामुळे चौघांना उमेदवारी; AB फॉर्मचा सस्पेन्स कायम

Nagpur News : राज्यातील विधानपरिषद निवडणुकीसाठी उमेदवारी अर्ज दाखल करण्याचा सोमवारी शेवटचा दिवस आहे. दुपारी तीन वाजेपर्यंत उमेदवारी अर्ज दाखल करता येणार आहे. दुसरीकडे मात्र, नागपूरची जागा काँग्रेसला सुटली असताना अद्याप उमेदवार जाहीर करता आलेला नाही. माजी मंत्री नितीन राऊत व सुनील केदार यांच्या वादामुळे काँग्रेसचा उमेदवार ठरविण्यात अडचणी येत आहेत. यावर तोडगा म्हणून काँग्रेसकडून चार जण उमेदवारी अर्ज दाखल करणार असल्याचे समजते.

नागपूर विधान परिषद निवडणुकीसाठी उमेदवार ठरवताना कॉंग्रेसला (Congress) तारेवरची कसरत करावी लागत आहे. त्यामुळे गेल्या काही दिवसापासून उमेदवारी ठरविताना माजी मंत्री नितीन राऊत व सुनील केदार यांच्यातील वादामुळे कोणत्याच नावावर एकमत होत नाही. त्यामुळे आता काँग्रेसकडून चार जण उमेदवारी अर्ज दाखल करणार आहेत. उमेदवारी मागे घेण्याच्या दिवसापर्यंत एकाच्या नावावर शिक्कामोर्तब करून इतर तीन जण उमेदवारी अर्ज मागे घेणार असल्याचे समजते.

नागपूर मतदार संघातून काँग्रेसकडून अतुल लोंढे, सुरेश जाग्याशी, दिनेश ढोले, सुनीता महल्ले हे चौघे जण उमेदवारी अर्ज दाखल करणार आहेत. त्यानंतर या पैकी एकाची उमेदवारी फायनल करून बाकी तीन उमेदवार मागे घेणार असल्याचे समजते. दुसरीकडे काँगेसच्या नेत्यांमध्ये बैठकांचे सत्र सुरूच आहे. त्यामुळे उत्सुकता शिगेला पोहचली आहे.

उमेदवारी अर्ज दाखल करण्यासाठी काही तास शिल्लक असतानाच नागपूरमध्ये काँग्रेसचा अभूतवूर्व गोंधळ दिलेत आहे. या ठिकाणी माजी मंत्री नितीन राऊत-सुनील केदार (Sunil Kedar) यांच्यातील वादामुळे चौघांना उमेदवारी देण्यात आली आहे. दुसरीकडे चौघे जण उमेदवारी अर्ज दाखल करणार असले तरी AB फॉर्म बाबतचा सस्पेन्स कायम आहे.

नागपूर विधान परिषदेसाठी एकूण ७९४ मते आहेत. त्यामध्ये भाजप ५०१, शिवसेना ३०, राष्ट्रवादी ५ असे महायुतीचे ५३६ मतदार आहेत त्यामुळे या मतदारसंघावर महायुतीचे वर्चस्व आहे, तर दुसरीकडे महाविकास आघाडी व अपक्ष व इतर मिळून २४८ मतदार आहेत. त्यामुळे या निवडणुकीकडे सर्वांचे लक्ष लागले आहे.