Congress Leader : काँग्रेसचे महाराष्ट्र प्रदेशाध्यक्ष नाना पटोले यांनी बदलापूर बलात्कार प्रकरणावरून भाजपवर गंभीर आरोप केले आहेत. बदलापूर येथील शाळकरी अल्पवयीन मुलीवर झालेल्या लैंगिक अत्याचार प्रकरणी अटकेत असलेला मुख्य आरोपी अक्षय शिंदे याचा पोलिसांनी एन्काऊंटर केल्याची घटना २३ सप्टेंबर रोजी घडली.
आरोपीला तळोजा कारागृहातून बदलापूरकडे घेऊन जात असताना आरोपीने पोलिसांकडून पिस्तूल हिसकावत तीन राऊंड फायर केले. या दरम्यान पोलिसांनी स्वसंरक्षणासाठी अक्षय शिंदेवर गोळीबार केला. यात त्याचा मृत्यू झाला आहे. या घटनेनंतर राज्यात मोठी खळबळ उडाली. काँग्रेस प्रदेशाध्यक्ष नाना पटोले यांनी भाष्य करत ‘शाळेचे संचालक मंडळ भाजपा आणि राष्ट्रीय स्वयंसेवक संघाशी संबंधित असल्यामुळे त्यांना वाचण्यासाठी हा सगळा प्रकार केला जातोय का,’ असा सवाल उपस्थित केला आहे.
पटोले यांनी सरकारवर आणि 'आरएसएस'वर आरोप करत म्हटले की, हे प्रकरण एका मोठ्या षड्यंत्राचा भाग आहे. आरएसएसशी संबंधित असलेल्या शाळेत ही घटना घडल्यामुळे सरकार बाकीच्या आरोपींवर योग्य कारवाई करण्याऐवजी आरएसएसला संरक्षण देण्याचा प्रयत्न करत आहे. त्यांच्या मते, या षड्यंत्राद्वारे आरएसएसची प्रतिमा खराब होऊ नये म्हणून सरकार प्रयत्नशील आहे.
नाना पटोले यांनी स्पष्ट केले की, शिवाजी महाराज, शाहू महाराज, फुले आणि आंबेडकर यांच्या महाराष्ट्रात असे षड्यंत्र करणे हा जनतेचा अपमान आहे. या राज्यात सामाजिक समता, न्याय आणि जनतेच्या हक्कांचे संरक्षण सर्वात महत्त्वाचे मानले जाते. असा ऐतिहासिक वारसा लाभलेल्या राज्यात भाजप सरकार जातीय आणि धार्मिक ध्रुवीकरण करून, आपल्या राजकीय फायद्यांसाठी आरएसएससारख्या संघटनांना संरक्षण देत आहे. पटोले यांच्या मते, भाजप सरकारने लोकांची दिशाभूल करण्याचा प्रयत्न केला आहे.
काँग्रेस पक्षाने या घटनेचा तीव्र निषेध केला आहे. नाना पटोले यांनी ठामपणे सांगितले की, काँग्रेस पक्ष या प्रकरणात न्याय मिळवण्यासाठी लढा देणार आहे. त्यांनी स्पष्ट केले की, लोकशाहीत अशा प्रकारे खोट्या गोष्टी पसरवून आरोपींना संरक्षण देण्याचा प्रयत्न होणे अस्वीकारार्ह आहे. काँग्रेस पक्ष सरकारच्या या षड्यंत्राचा पर्दाफाश करेल आणि जनतेसमोर सत्य आणेल, असे ते म्हणाले.
Facebook link Nana Patole
https://www.facebook.com/nanapatoleinc?mibextid=ZbWKwL
Instagram link Nana Patole
https://www.instagram.com/nanapatoleinc?igsh=MTJiYm56c21veTV5NA==
Twitter link Nana Patole
https://x.com/NANA_PATOLE?t=N2H_xQP8h6AMQVFp-bsD3Q&s=09
YouTube link Nana Patole
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.