वानखेडेंना हटविण्यासाठी आता बॉलीवुड मैदानात

मुंबई : आर्यन ड्रग्ज पार्टी प्रकरणात राष्ट्रवादीचे नेते नवाब मलिक आणि पंच असलेल्या प्रभाकर साईलने गौप्यस्फोट केला आहे. त्यामुळे एनसीबी (ncb) मुंबईचे विभागीय संचालक समीर वानखेडे यांच्या अडचणीत वाढ झाली आहे. हे ड्रग्ज प्रकरण रोज वेगळ वळण घेत असताना आता बॉलिवुडनं त्यात उडी घेतली आहे.

नवाब मलिक आणि प्रभाकर साईल यांच्या गैाप्यस्फोटानंतर वानखेडेंवर आरोप होत आहेत. बॉलिवूडमधील चित्रपट दिग्दर्शक हंसल मेहता यांनी समीर वानखेडे यांच्या राजीनाम्याची मागणी केली आहे. याबाबत मेहता यांनी टि्वट केलं आहे.

प्रभाकर साईलच्या वक्तव्यानंतर चित्रपट दिग्दर्शक हंसल मेहता यांनी ट्वीट करत समीर वानखेडे यांच्या राजीनाम्याची मागणी केली आहे. ''जोपर्यंत हे गंभीर आरोप खोटे ठरत नाहीत, तोपर्यंत समीर वानखेडेंनी राजीनामा द्यायला हवा. त्यांनी अटक केलेल्यांवरच निर्दोष असल्याचं सिद्ध करण्याची जबाबदारी का टाकावी?','' असा सवालही हंसल मेहता यांनी उपस्थित केला आहे.

दरम्यान, समीर वानखेडे यांनी मुंबई सत्र न्यायालयात प्रतिज्ञापत्र आज सादर केलं. न्यायाधीश वैभव पाटील यांच्या विशेष एनडीपीएस कोर्टात हे प्रतिज्ञापत्र सादर करण्यात आले. एनसीबी (NCB) आणि समीर वानखेडे (Sameer Wankhede) यांनी वेगवेगळे प्रतिज्ञापत्र दाखल केले आ

या गुन्ह्याबाबत सोशल मीडियावर आणि ज्या काही तक्रारी होत आहेत, त्याचा परिणाम या गुन्ह्याच्या तपासावर होऊ नये, कारवाईवर होऊ नये, यासाठी एनसीबीचं हे पाऊल उचलल्याचे समजते.

स्वतंत्र साक्षीदार प्रभाकर साईल यांनी केलेल्या आरोपाची कोर्टाला माहिती दिली आहे. स्वतंत्र साक्षीदाराने साक्ष फिरवल्याप्रकरणाची कोर्टाला माहिती देण्यात आली.

एनसीबी (NCB) आणि समीर वानखेडे (Sameer Wankhede) यांनी वेगवेगळे प्रतिज्ञापत्र दाखल केले आहेत. वानखेडेंनी प्रतिज्ञापत्रात त्यांच्यावर करण्यात आलेल्या आरोपांची माहिती दिली. समीर वानखेडे स्वत: कोर्टाला काही माहिती देण्यासाठी साक्षीदाराच्या पिंज-यात उभे राहिले.