NCP delegation: राष्ट्रवादीचे शिष्टमंडळ CM फडणवीस यांच्या भेटीला; राजकीय घडामोडीवर करणार चर्चा

Mumbai News : बारामती विमानतळाजवळील अपघातात राज्याचे उपमुख्यमंत्री अजित पवार यांचे बुधवारी सकाळी निधन झाले. त्यानंतर आता राज्यातील राजकीय घडामोडीना वेग आला आहे. राष्ट्रवादी काँग्रेसचे शिष्टमंडळ सीएम देवेंद्र फडणवीस यांच्या भेटीसाठी वर्षा या निवासस्थानी पोहचले आहे. या शिष्टमंडळात माजी केंद्रीय मंत्री प्रफुल्ल पटेल, खासदार सुनील तटकरे व मंत्री छगन भुजबळ यांचा समावेश आहे. हे तिघेजण सीएम फडणवीस यांची भेट घेऊन सध्याच्या राजकीय परिस्थितीवर चर्चा करणार आहेत.

बारामतीमध्ये विद्या प्रतिष्ठानमध्ये अजित पवार (Ajit Pawar) यांना गुरुवारी दुपारी अखेरचा निरोप देण्यात आला. त्यानंतर राष्ट्रवादी काँग्रेसच्या नेत्यांनी पहिल्यांदा सुनेत्रा पवार यांची भेट घेतली. या भेटीवेळी प्रदेशाध्यक्ष सुनील तटकरे, मंत्री छगन भुजबळ, राष्ट्रीय कार्याध्यक्ष प्रफुल पटेल आणि माजी मंत्री धनंजय मुंडेही उपस्थित होते. यावेळी या बैठकीमध्ये विविध विषयवार चर्चा करण्यात आली असल्याचे समजते.

त्यानंतर शुक्रवारी दुपारी बारा वाजण्याच्या सुमारास राष्ट्रवादी काँग्रेसचे (NCP) शिष्टमंडळ सीएम देवेंद्र फडणवीस यांच्या भेटीसाठी वर्षा या निवासस्थानी पोहचले आहे. या शिष्टमंडळात माजी केंद्रीय मंत्री प्रफुल्ल पटेल, खासदार सुनील तटकरे व मंत्री छगन भुजबळ यांचा समावेश आहे. हे तिघेजण सीएम फडणवीस यांची भेट घेऊन सध्याच्या राजकीय परिस्थितीवर चर्चा करणार आहेत.

मुख्यमंत्री देवेंद्र फडणवीस यांच्या भेटीवेळी राष्ट्रवादी काँग्रेसच्या आमदारांचा प्रस्ताव सादर करणार असल्याचे समजते. या भेटीनंतर राष्ट्रवादी काँग्रेसचे प्रदेशाध्यक्ष सुनील तटकरे यासंदर्भात दुपारी माध्यमांशी बोलण्याची शक्यता आहे. त्यामुळे सर्वांचे याकडे लक्ष लागले आहे.

दरम्यान, अजित पवार यांच्या निधनांनंतर राष्ट्रवादी काँग्रेसच्या नेतृत्वात पोकळी निर्माण झाली असून आता भविष्यामध्ये कोणत्या पद्धतीने निर्णय घ्यायचा यावर निर्णय येऊन ठेपला आहे. त्यामुळे मुख्यमंत्री देवेंद्र फडणवीस यांच्या भेटीवेळी राष्ट्रवादी काँग्रेसचे नेते याबाबत चर्चा करणार असल्याचे समजते.